بعد رفض فيوتشر صلاح محسن.. تطور جديد في صفقة عمر كمال إلى الأهلي

شهدت الساعات الماضية تطورا جديدًا في صفقة انتقال نجم منتخب مصر وفريق مودرن فيوتشر عمر كمال عبدالواحد إلى صفوف النادي الأهلي.
وفجر مسؤولو نادي مودرن فيوتشر مفاجأة جديدة في الساعات الماضية بعدما رفضوا انتقال صلاح محسن لصفوف فريقهم في ظل رفضه على مدار عدة أيام الانتقال إلى فيوتشر.
وقال الإعلامي أحمد شوبير في تصريحات إذاعية اليوم الأربعاء: «عمر كمال في الأهلي الموضوع اعتبروه خلصان بس المشكلة دلوقتي إن المسؤولين في نادي مودرن فيوتشر قفلوا بابهم هما كمان في وش صلاح محسن».
وتابع شوبير: «هما فيوتشر قالوا بالبلدي كده: من حبنا حبناه وصار فريقنا فريقه ومن كرهنا كرهناه ومش عايزين لعبه ولا طريقه، وقالوا معانا في الهجوم أحمد عاطف ومروان محسن وخلاص طلبوا لاعيب جديد من الأهلي بدل صلاح محسن».
وأضاف شوبير: «على فكرة في البداية كان صلاح موافق يروح فيوتشر لكن بعدين طلعت في دماغه يمشي خالص من الأهلي، فالأهلي قال له لأ عشان ما يسيبوش يروح هنا ولا هنا».
واختتم حارس الأهلي السابق: «عمر كمال لاعيب كويس قوي ولاعيب جوكر ومش هيبقى سهل يلعب في الأهلي ومش هيبقى صعب برضه عليه وهيكون إضافة أكيد للفريق».