فيدرا : سأستخدم تكنولوجيا إسرائيل سلاح ضدهم (فيديو)

دعت الفنانة فيدرا الجمهور العربي لمقاطعة المنتجات الأجنبية، التي تدعم إسرائيل، دعمًا لأهالي غزة والقضية الفلسطينية، وطالبت جمهورها بألا يستهين بسلاح المقاطعة لأنها مهمة جدا.
ونشرت فيدرا مقطع فيديو عبر حسابها الرسمي بموقع التواصل الإجتماعى «X» تحدثت خلاله قائلة: «أنا مقدرش أحس إني بساهم ولو بجنيه لشركة صهيونية، أو شركة تدعم الصهيونية، الحقيقة أن في ناس بتقولي طب أخبار الفيسبوك والانستجرام وآبل والحاجات ال it والتكنولوجي هتعملي فيهم إيه، هقولهم إني هستخدم كل الحاجات دي لأني مش لاقيالها بديل عربي أو مصري، وفي فرق كبير بين إني أقاطع أكل وشرب بملى بيه بطني، وإن أنا أقاطع تكنولوجي ممكن أستخدمها سلاح ضدهم لأني معنديش سلاح بديل».
وتابعت: «أنا دلوقتي عندي platforms على السوشيال ميديا، وعندي موبايلي واللاب توب الحاجات دي مالهاش بديل، وفي نفس الوقت مش بستخدمها عشان أتسلى، الحاجات دي بستخدمها عشان أنشر بيها القضية الفلسطينية، وهستخدمها سلاح في إيدي، هما ادوني سلاح ف إيدي ضدهم، دي مش أكل وشرب وشيكولاتة وقهوة دي حاجات مهم نستخدمها ونعلي صوتنا من خلالها هما ادونا حاجة هنستخدمها ضدهم».
قاطع. قاوم. pic.twitter.com/exeXFKkw2S
— Phaedra فيدرا (@PhaedraAlMasri) November 20، 2023