علق الإعلامي تامر أمين على الأزمة بين الفنان بيومي فؤاد وزميله الفنان محمد سلام، بعد اعتذار الأخير عن عدم المشاركة في مسرحية «زواج اصطناعي»، بموسم الرياض بالسعودية، بسبب استمرار العدوان الإسرائيلي على غزة، وهجوم الأول على الثاني في فيديو منتشر على مواقع التواصل الاجتماعي. وقال «أمين»، في تعليق خلال برنامجه «آخر النهار»، مساء اليوم الإثنين، إنه يرى أن بيومي فؤاد ليس من حقه الحديث عن هذا الموضوع، موكدًا حرية كل شخص في اتخاذ الموقف الذي يناسبه. وأضاف أن بيومي فؤاد تصدر المشهد طواعية وتسبب في استفزاز الجمهور المصري بدون مبرر، موضحًا: «انت كنت عايز تدافع عن نفسك وعن المجموعة اللي سافرت واشتغلت، الزاوية الوحيدة اللي كان ينفع تتكلم فيها، إنك تقول إن ده شغلنا إحنا ملتزمين تجاه شغلنا، وإن ده مينفعش أبدًا تضامننا مع الشعب الفلسطيني الشقيق». وتابع: «أما إنك تطلع تضرب في محمد سلام، وتقول إنه أهان فنه، على فكرة أنا سمعت فيديو سلام ومفيهوش أي إهانة للفن، الراجل بيقول أنا مش قادر، هو حر». وأكمل «أمين»: «قلت إحنا بنحب السعودية أوي، هو إيه دخل حب أو كره السعودية في الموضوع، القصة في الشغل، إيه علاقة السعودية؟! وإنك تقول إن ليك الشرف أنك تتصور مع مواطن سعودي، النجوم والفنانين كل الناس هي اللي ليها الشرف أنها تتصور معها». واستطرد: «كمان تصريح أننا مش جايين عشان الفلوس، إيه دخل الفلوس في الموضوع، ذكر الفلوس هو اللي جابلك الكلام، كلنا بنشتغل عشان الفلوس هو في حد بيشتغل مجانا، والشغل عشان الفلوس الحلال مش عيب، ده شرف، بس اللي إحنا بنعمله لازم يكون رسالة، لكن السؤال الضحك إمتى؟! ووقته عامل إزاي؟!». أزمة بيومي فؤاد ومحمد سلام وهاجم بيومي فؤاد، محمد سلام، بعد اعتذار الأخير عن عدم المشاركة المسرحية وظهر «فؤاد»، منتشر على مواقع التواصل الاجتماعي، بعد العرض المسرحي قائلًا: «من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدًا».
