ناقدة تهاجم بيومي فؤاد: «بتقول إنك مش بتاع فلوس أمال أنت رايح تتعشى» (فيديو)

علقت الناقدة الفنية ماجدة خيرالله على الأزمة بين الفنان بيومي فؤاد وزميله الفنان محمد سلام، بعد اعتذار الأخير عن عدم المشاركة مسرحية «زواج اصطناعي»، في موسم الرياض بالسعودية، بسبب العدوان الإسرائيلي على غزة، وهجوم الأول على الثاني في فيديو منتشر على مواقع التواصل الاجتماعي.
وهاجمت «خير الله» بيومي فؤاد في مداخلة هاتفية ببرنامج «تفاصيل» عبر قناة «صدى البلد»، اليوم الإثنين، قائلة: «شيء مهين، وفيه إذلال لقيمة الفن، مفيش فنان في مصر عمل هذا التصرف على مرأى ومسمع من الجميع».
وأضافت: «انت عايز تجامل الجمهور السعودي قول ألف شكر لكم على استقبالكم، إنما إيه الأسلوب المهين ده اللي في رخص».
وأوضحت: «ما حدث مهين للفن المصري، وبيقول إحنا مش جايين عشان الفلوس، أمال أنت رايح تتمشى، أي حد بيقدم عمل فني أو غير فني يتقاضى عليه أجر، وبياخد أجره باحترام، أنا لما بروح لدكتور وأديله الكشف بتاعه مش هيقولي كتر خيرك، أنا اللي هشكره، المفروض الجمهور هو اللي يشكره».
وتابعت: «بعدين يقولك بنقدم فن محترم، بعدين تشوف الفيديو تلاقيه بيرقص ببطنه، فين الفن المحترم اللي بتقدمه وأنت بترقص بطنك، مفيش فنان نص محترم يعمل كده».
أزمة بيومي فؤاد ومحمد سلام
وهاجم بيومي فؤاد، محمد سلام، بعد اعتذار الأخير عن عدم المشاركة المسرحية وظهر «فؤاد»، منتشر على مواقع التواصل الاجتماعي، بعد العرض المسرحي قائلًا: «من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدًا».