كاملة أبو ذكري عن نيللي كريم: «ممثلة تقيلة ودمها خفيف» (فيديو)

كشفت المخرجة كاملة أبوذكري عن رأيها في الفنانة نيلي كريم حيث أكدت أنها موهوبتها عريضة للغاية تسمح لها بتقديم أعمال متنوعة.
وأضافت في مداخلة هاتفية في برنامج أسرار النجوم على إذاعة نجوم اف ام: «لديها قماشة أنها تعمل حاجات كتير، دمها خفيف في اللايت، وممثلة تقيلة، وعندها قبول وجمال وممكن تقدم أعمال استعراضية».
وتابعت: «بصراحة لو اتكلمت على نيلي هتكلم كتير أوي، وفي أول يوم تصوير في ذات كنت أنا ومديرة التصوير وراء الكاميرا والمفروض أنها يكون عندها 18 سنة في اللحظة دي، والمفروض أنها بتعيط قدام أخوها وتقوله أنتا ضحكت عليا ومشهد صعب جدًا وفجأة لاقيت نيلي قدام الكاميرا بنت عندها 12 سنة والحقيقة نيللي اللي ساعدتنا في المسلسل ده بموهوبتها وبأخلاقها وبطيبتها وبتواضعها».
وأردفت: «نيللي بالنسبة لي حاجة كبيرة جدا واحنا نجحنا في حاجات كتير وانشالله يارب نجتمع في حاجات كتير».
View this post on Instagram
A post shared by NogoumFM (@nogoumfm)