«لو هركبه أروح بي الشغل ماشي».. تامر أمين يعلق على سعر آيفون 15 برو ماكس (فيديو)

علق الإعلامي تامر أمين على سعر هاتف آيفون الجديد Iphone 15 pro max في مصر والذي وصل إلى نحو 100 ألف جنيه، داخل بعض متاجر البيع التي أتاحت حجزه.
وقال «أمين» خلال تقديمه برنامج «آخر النهار» المعروض عبر قناة «النهار»، مساء الإثنين: «أنا أنام وأصحى ألاقي تليفون نازل ب 100 ألف جنيه، أسعار الموبايلات 20 و30 ألف جنيه وأنا بقول أسعارها عالية، ألاقي تليفون ب 100 ألف جنيه».
وأضاف: «موبايل ب100 ألف جنيه! ده بعد كده الموبايل أدخله في أو عربية، مش قادر أصدق إن بقى بيقول الرقم ده في تليفون، ده تحويشة عمر عند أسر كتير دلوقتي».
وتابع: «زمان كنا بنقول للشاب شد حيلك واشتغل عشان تجيب مهر وشقة، دلوقتي أقوله اشتغل عشان تجيب موبايل… والمصيبة ألاقي طوابير ناس بايته من الساعة 7 الصبح عشان تشتري التليفون الجديد، الفشخرة واخداكم أوي كده».
وأشار «أمين» إلى أن النسخة الجديدة الموبايل ليست بها فوارق كبيرة مقارنة بالنسخ الماضية، متابعًا: «لو هركبه أروح بيه الشغل ماشي معنديش مشكلة أجيبه، لكن أجيب تليفون عشان المنظرة والفشخرة، أضيع شقا عمري عشان أجيب التليفون ده».
سعر آيفون 15 برو ماكس في مصر يصل ل100 ألف جنيه.. الشعبة تكشف السبب (فيديو)