هل كانت حلقة «شيخ الحارة» سببًا في طلاقها من حسن شاكوش؟ ريم طارق ترد (فيديو)

قالت ريم طارق، طليقة مؤدي المهرجانات حسن شاكوش، إنها من قررت إنهاء العلاقة، معقبة: «حصلت حاجة واجهته بيها، وقالي هي دي عيشتي وهي دي حياتي، قلت له مفيش بني آدم عنده العيشة دي».
وأضافت «طارق»، خلال حوارها مع الإعلامية بسمة وهبة، عبر برنامج «90 دقيقة»، على قناة «المحور»، مساء اليوم الإثنين: «قلت له أنا آسفة مش هقدر أكمل، الموضوع مش خيانة، لكن دي حاجة بتتعمل وأنا مجبرة أساعده وأشوفه وهو بيعملها، مكنتش هقدر ومش هجازف بنفسي».
وأوضحت: «لما قلت له لازم ننفصل وهمشي، قالي ممكن نتكلم، لكني قلت له مضطرة أمشي وهبعت أهلي لو احتجت حاجة هيجبوهالي، ومأخدتش أي حاجة إلا ترنج، ولما حاولت أرجع تاني يوم عشان ألم لبسي قال للأمن في الكومباوند محدش يدخلني رغم إن كل حاجتي الشخصية جوه عنده».
وتابعت «طارق»: «عايرني بمرضي، وكان عارف إني مُطلقة، تزوجت شرعيًا وانفصلت شرعيًا، وكان هناك قضية بيني وبين طليقي، فكيف لا يعلم شاكوش بذلك؟!».
وأكملت: «حسن من الناس اللي مش بتتكلم في الموبايل، كان حاجة يكتبها لي واتساب، مكنتش أعرف إن ده السلاح اللي ههاجمه بيه بعد كده، حياتنا كلها وأي كلام بينا كان على الواتساب».
وعن حلقتها الشهيرة برفقة شاكوش مع بسمة وهبة في برنامج «شيخ الحارة»، قالت «ريم»: «كل الكلام اللي في البرنامج كان صح، وأن اللي اتلعب بيا، الحلقة مش سبب الطلاق، الموضوع مش موضوع حلقة ولا شيخ عرافين».
وأشارت إلى أن حسن شاكوش عرض الصُلح عن طريق إخوته، لكنها لم توافق على أن تستمر في حياتهما، متابعة: «كل المشاكل اللي تخطر أو متخطرش على البال موجودة في حسن، كل الصفات اللي مش حلوة في حسن شاكوش».