«شكرًا على دقتك».. سارة وفيق توجه رسالة ل تامر حسني

وجهت المخرجة سارة وجيه رسالة إلى الفنان تامر حسني، بعد انتهائهما من تصوير فيلم «تاج»، المقرر عرضه في عيد الأضحى المقبل 2023.
وشاركت سارة وفيق، عبر حسابها الرسمي بموقع التواصل الاجتماعى «فيس بوك»، صوره لها برفقة الفنان تامر حسني، من كواليس فيلم «تاج»، وعلقت قائلة:«مبرووووك يا تيمو نهايه تصوير فيلم تاج، شكرا من كل قلبي على دعمك وثقتك فيا، شكرا على تعبك ومجهودك الجبااااااار اللي عملته في الفيلم شكرا على دقتك، ومثابرتك واجتهادك وكل حاجة عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد آخر يوم تصوير».
أضافت: «شكرا انك بتحترم جمهورك وبتقدمله كل جديد، انت ميجا ستار مش من فراغ انت اكتر واحد قابلته في حياتي بيحب شغله وبيخلصله عشان كده إن شاء الله ربنا هيكرمك بنجاح الفيلم ونجاح كل شغلك، معنديش كلام يوفيك حقك والله يا تيمو».
تابعت: «وأخيرا لازم جمهورك يعرف انك مابتنيمناش كلنا، ربنا يكرمك بكرمه الواسع ويفرحك وينجحك وينجحنا معاك يا اجمد سوبر هيروووووو يا تاج يا جاااااااامد».
تامر حسني يرد على تعليق سارة وفيق
وقال تامر حسني موجهًا رسالة للمخرجة سارة وفيق: «يا أستاذة سارة انتي مخرجة عظيمة وتستحقي كل الدعم انتي وكل فرد اشتغل في الفيلم ده وثقتي الكبيرة فيكي وفي كل أفراد العمل هي اللي خلتني مشغلش ولا عنصر اجنبي في فيلم تاج ويبقى فيلم مصري 100% بقيادة شباب مصري 100 % ده غير انك مخرجة مختلفة وقلبك جميل وعملتيلي فيلم من أعز أفلامي (فيلم مش أنا)».
وتابع: «النهارده بتخرجيلي فيلم كنت بحلم أعمله من وأنا طفل يعني بتخرجيلي حلم مش مجرد فيلم وده من ثقتي اللي ملهاش حدود فيكي، ربنا يوفقك ويكرمك انتي وكل حد اشتغل من قلبه في الفيلم ده ويكرم كل الناس يارب».
موعد عرض فيلم «تاج» ل تامر حسني
يذكر أن الفنان تامر حسني انتهى خلال الأيام الماضية من تصوير فيلم «تاج» حيث يقدم فيه دور سوبر هيرو، وأعلن أنه سيعرض في منافسات عيد الأضحى السينمائي المقبل 2024.
أبطال فيلم «تاج» ل تامر حسني
فيلم «تاج» بطولة تامر حسني، دينا الشربيني، بيومي فؤاد، هالة فاخر، وتواصل الشركة المنتجة التعاقد مع باقي الأبطال المشاركين في العمل، والعمل من تأليف تامر حسني، وإخراج سارة وفيق.
أحداث فيلم «تاج» ل تامر حسني
وتدور أحداث فيلم «تاج» في إطار كوميدي فانتازي، حول تيمة البطل الخارق «سوبر هيرو»، ويجسد تامر حسني شخصيتين لشقيقين توأم اسمهما تاج وهارون، ويمران بالعديد من الأزمات مع تتابع الأحداث.