لماذا أغلقت جوري بكر خاصية التعليق على مواقع التواصل الاجتماعي؟.. الفنانة ترد

كشف الفنانة جوري بكر عن سبب غلقها لخاصية التعليقات بموقع الصور «إنستجرام»، موضحا أن السبب في عدد قليل من الجمهور المتابع لها عبر مواقع التواصل الاجتماعي، والذين يعلقون بطريقة غير أدمية.
وقالت «جوري» عبر خاصية الاستوري عبر «إنستجرام»:«أولًا عشان الأسئلة الكثيرة اللي بتجيلي بخصوص أنا ليه قافلة الكومنتات على عدد معين لأن بجد الموضوع مخيف مش كل الناس اللي حوالينا محترمين مش كل الناس نضيفة وتعليقاتهم محترمة
وأضافت :«في مجموعة كدة حرفيًا من قاع الأرض مريضة وتعليقاتهم أنا مقدرش استحملها أو أشوفها واحترامًا لمن حولي بجد قفلتها على المقربين مني والناس المحترمة اللي متبعاني غير إني برضو بخاف جدًا افتح DM ساعات بيلفت نظري الناس الجميلة المحترمة اللي بتحب تهديني حاجات شغلهم مش تمام».
وتابعت:«الشحاتة بقي اللي وصلت على الإنستجرام هل ده بجد اللي عايز مساعدة 3000 جنيه، وهو مصور نفسه ماسك تليفون مبلغه 25 ألف جنيه أو أكتر، واللي عايزة تجهز نفسها ونفسها في ثلاجة وأنا أصلًا مشتريتهاش بجد إزاي كده إيه كمية الاستفزاز والجرأة اللي عندكم دي»
وأختتمت «جوري»:«انزل وانزلي اشتغلي اتعبوا وانجحوا وساعدوا نفسكم في غيرك نحت في الصخر، عشان يوصل ومحدش ساعدهم ولا ساعدني ياريت متغرموش أهلكم عشان حضرتك تشوري نفسك وأنت تمسك موبايل جديد اتعب واحصدوا تعبكم».
آخر أعمال الفنانة جوري
وكانت شاركت الفنانة جوري بكر في مسلسل «جعفر العمدة» التي جسدت من خلاله دور «وداد» زوجة «سيد أحمد فهيم»، في مسلسل «جعفر العمدة» وعرض في السباق الدرامي لرمضان 2023، والعمل من بطولة محمد رمضان، مي كساب، منة فضالي، إيمان العاصي، أحمد داش، زينة، هالة صدقي، أحمد فهيم ونخبة من النجوم ومن تأليف وإخراج محمد سامي.