تامر حبيب: «لما أموت اعملوا حفلة وشغلوا أغاني وارقصوا»

علق السيناريست تامر حبيب، على انتقاده بسبب حضوره حفل زفاف في الجونة يوم وفاة الفنان الكبير سمير غانم وتخلفه عن حضور الجنازة، قائلا: «الله يرحم سمير غانم لو كان العكس كان ممكن يعمل كده وكان بيموت في البهجة، وأنا كنت في فرح في الجونة وللأسف الشديد كنت هحضر الصبح الجنازة وأرجع على الفرح بالليل».
وأضاف حبيب، خلال حواره ببرنامج «حبر سري»، مع أسما إبراهيم، على قناة «القاهرة والناس»، مساء السبت: «فكرة إني رحت الفرح مش معناه إني متوجعتش على فراق سمير غانم وكان في علاقة بينا علاقة حب شديدة وكان صديقي ونلت شرف إني اشتغل معاه في شربات لوز، وأنا عارف إنه مش مضايق وأي حدا تاني يولع وأولاده مش زعلانين».
ووجه رسالة لأصدقائه وجمهوره قائلا: «كتبت وأكرر كلامي، يوم لما أموت اللي بيحبوني كلهم يعملوا حفلة كبيرة على سيرتي ويشغلوا الأغاني اللي بحبها ويفتكروا المواقف اللي ضحك ويرقصوا ويتبسطوا وهكون أكثر واحد مبسوط في الدنيا».