محمد رمضان يعلق على مشهد بلال شامة الشهير في «جعفر العمدة» (فيديو)

كشف الفنان محمد رمضان كواليس مشهده مع بلال شامة الشهير في مسلسل «جعفر العمدة«.
وأضاف في لقائه مع الإعلامية فاطمة مصطفى في برنامج الراديو بيضحك على راديو 90 90: «شوفت ردود فعل على مشهد جعفر العمدة وبلال شامة لما مبصش وراه، كان فيه ناس عايزني ألف وشوفت صور ناس بتزق في وشي عايزني ألف وشي واشوفه».
وتابع: «سعيد بردود الفعل جدًا ومبسوط ولو كنت شوفت بلال وقتها كان فيه حاجات هتتحرق للشخصية مينفعش جعفر يعرفها دلوقتي».
وأردف: «صمت جعفر العمدة في مشاهد حبسه وراه ثقة وأنه عارف إنه يقدر يجيب حقه كويس، العقدة أتت لما شوقي قاله إنه يعرف مكان إبنه، فدي بمثابة لوي ذراع له، هل هو هينتقم من العائلة دي وهما معاهم شئ غالي جدًا، فهو في صراع شديد جدًا أما يختارعائلته أو إبنه، وده اللي هنشوفه في الحلقات القادمة».
واستطرد: «النهاية إن شاء الله ترضي الجمهور ومتحبطش حد من المسلسل، ويارب النهاية تليق بالمسلسل، وفيه صراعات ومفاجأت خطيرة في الحلقات القادمة».