«كهربا في موقف لا يحسد عليه».. شوبير تعليقًا على قرار الفيفا بشأن نجم الأهلي

علق الإعلامي أحمد شوبير حارس مرمى الأهلي حارس مرمى الأهلي ومنتخب مصر السابق على قرار الفيفا الجديد بشأن الغرامة المقررة لصالح نادي الزمالك محمود عبدالمنعم كهربا مهاجم الأهلي والصادر أمس الأربعاء.
وكان الفيفا قد قرر أمس منح كهربا شهرين لدفع غرامة نادي الزمالك وفي حال عدم السداد يتم إيقافه 6 أشهر جديدة عن ممارسة أي نشاط رياضي مع تغريمه 30 الف فرانك سويسري بخلاف الغرامة القديمة.
وقال أحمد شوبير في تصريحات إذاعية اليوم الخميس 9 فبراير :«إمبارح قرار الفيفا بشأن كهربا ده قرار(وسطاني«يعني، كان في الأهلي متوقعين تقسيط للغرامة على عدة سنيين لكن محصلش أي حاجة من دي والفيفا قال شهرين كمان تسدد الغرامة، ولو مسددتش خلال المهلة هتدفع 30 الف فرانك يعني مليون جينه تقريبًا».
وأضاف شوبير :«محامي كهربا المصري بيقول بندرس مذكرة الفيفا ونشوف طريقة للطعن من خلال المحامي الدولي وكهربا هيطعن على القرار عشان يستمر في الملاعب حتى نهاية الموسم الجاري وبعدها يشوف حل للقصة دي ويحلها الحلال».
وأوضح شوبير :«يعني كده من ساعة ما تلقى الأهلي الخطاب هيكون آخره 10 أبريل وبعدها كهربا يتوقف مرة أخرى، واللاعب هيطعن ويتم إيقاف الحكم مرة أخرى لحد شهر سبتمبر المقبل، فكهربا يخلص الموسم وبعدين يشوفوا هيحلوا المشكلة إزاي».
وواصل شوبير : «المحامي بيؤكد إن الغرامة إجبارية ولازم تتدفع، مش عارفين أيه اللي الأهلي هيعمله مع كهربا كنوع من أنواع المساعدة والمحامي عايز يكسب وقت عشان كهربا يكمل الموسم مع الأهلي وهنشوف الدنيا خلال الفترة المقبلة هيحصل فيها إيه».
واختتم شوبير :«كهربا في موقف لا يحسد عليه خاصة إن غرامته بعد ما كنت 30 مليون جنيه تقريبا مع ارتفاع الدولار وصلت إلى 90 مليونا ونتمنى الموضوع ينتهي على خير».