«حرام عليكم».. لمياء فهمي ترد على شائعة وفاتها بمرض السرطان

ردت الإعلامية لمياء فهمي على شائعة وفاتها متأثرة بإصابتها بالسرطان، موضحة أن الشائعة أثارت الرعب بداخلها.
وأضافت لمياء فهمي في فيديو عبر حسابها على إنستجرام: «بطمن الناس عليا بعد الشائعات السخيفة اللي انتشرت عن وفاتي نتيجة مرض السرطان، وقولتوا قبل كدا عندي سرطان وطلعت في فيديو ورديت لكن ليه بتموتوني؟ ليه تقولوا نهاية الإعلامية لمياء فهمي؟ أنا عملتلكم إيه ولا جوزي عمل لكم إيه؟».
وتابعت لمياء فهمي: «اتقوا ربنا أنتوا خضيتوا الناس عليا وأنا نفسي اتخضيت ومقدرتش أسمع باقي الكلام عن وفاتي ولا أقرأ المكتوب على مواقع التواصل الاجتماعي، وخليتوا قرايبي يعيطوا عليا وأهلي يقلقوا، الكلام صعب جدًا دلوقتي لما أموت بجد محدش هيصدق وهيفتكروا شائعة، الله يسامحكم مفيش بني آدم عنده ذرة إحساس وإنسانية يقول كدا، فوضت أمري لله».
View this post on Instagram
A post shared by lamiaa fahmy abdelhamid (@lamiaafahmyabdelhamid)
وكان الإعلامية لمياء فهمي قد كشفت حقيقة إصابتها بالسرطان، بعد تداول مواقع إخبارية الخبر خلال الفترة الماضية مشيرة إلى أن هذه الأخبار ليس لها أساس من الصحة.
وأوضحت لمياء فهمي خلال فيديو نشرته عبر حسابها الشخصي على موقع التواصل الاجتماعي «إنستجرام»، إذ قالت: «بكل أسف بعض المواقع كاتبين إن جالي كانسر ودخلت المستشفى علشان حالتي مش كويسة، ولقيت ناس كتير اعذروني مقدرتش أرد عليكم، لأن أنا بتكلم بصعوبة شوية».
وتابعت: «أنا الحمد لله معنديش كانسر اللي عندي التهاب رئوي نتيجة حساسية شديدة، لا عندي كورونا ولا كانسر الحمد لله، قعدت في المستشفى يومين وأنا اللي صممت أخرج لأني مبحبش قعدة المستشفيات».