عمرو أديب عن أسعار الذهب: «خايف أقولك التجار حاسبين الدولار بكام» (فيديو)

أبدى الإعلامي عمرو أديب دهشته من اهتمام المواطنين، بشأن متاعبة أسعار الذهب، والذي وصفه بالمبالغ فيه.
وقال «أديب» في تعليق عبر برنامجه «الحكاية»، الذي يعرض عبر قناة «إم بي سي مصر»، اليوم الإثنين: «ليه الناس مهتمة بسعر الذهب، زاد يا نهار أبيض! انت عارف مرتبك يجيب كام جرام دهب! هو انتم كنتوا بتنزلوا تشتروا دهب كل يوم! دلوقتي الكلام في الدهب أكتر من الكلام عن الرز أو البيض أو الفراخ».
وأضاف: «إيه سبب الضجة حول سعر الذهب؟! إن الجرام عدى 1800 جنيه، ما يعدي، هو ده سلعة كل يوم الصبح الناس بتشتريها، آه في غلاء وارتفاع في الذهب والدولار، هو سعر عيش ولا زين ولا بامية».
وتابع «أديب»: «اللي بيحصل في سوق الدهب غير طبيعي، سعر الدهب بره مصر أرخص من مصر، في ناس بتلعب في السوق، ما تلعب، أنا عايز أعرف ما هو تأثير الذهب في حياتك؟! متضايقك في إيه!».
وأكمل: «السعر بره مش بيزيد، السعر بينزل، مين اللي بيعمل ده، أنا أخاف أقولك تجار الدهب حاسبين الدولار بكام، أخاف ليلزق، الدهب بطئ، يوم ما يقفل قفلته والقبر، يوم ما بينام نام جنبه».