حسن الرداد: «تحت تهديد السلاح» حالة خاصة بالنسبة لي

كشف الفنان حسن الرداد عن سعادته بعد العرض الخاص لفيلمه الجديد «تحت تهديد السلاح».
ونشر عبر حسابه الشخصي على الفسيبوك منشورًا نصه: «عايز اشكر اخواتى وصحابي واهلي اللى كانوا موجودين جنبى النهاردة، الفيلم ده حاله خاصة بالنسبة لى واول حاجة اصورها بعد الظروف الصعبة اللى مريت بيها».
وتابع: «شكرا لكل واحد كان جنبى النهاردة عشان مشاعركم وحبكم كنت حاسس به وفعلا بحمد ربنا على نعمه أن يكون عندى اخوات واصدقاء زيكم».
وأردف: «وعايز اشكر كل صناع الفيلم بكل اقسامهم على تحملهم لظروفى وانتظارهم لى كتير عشان اقدر اكمل تصوير الفيلم الصعب ده. وأخيرًا عايز اشكر الجمهور العظيم اللى بعتبره فعلا عيلتى الكبيرة اللى دائما داعمين لى وبشوف منهم كل الحب والاحترام، بتمني أن الفيلم يعجب الناس كلها واكون قدرت اوصل إحساسي بالشخصية لحضراتكم».
فيلم تحت تهديد السلاح، تأليف أيمن بهجت قمر، إخراج محمد عبدالرحمن حماقي، بطولة حسن الرداد، مي عمر، عمرو عبدالجليل، شيرين رضا، بيومي فؤاد، عباس أبوالحسن، أحمد بدير.