متصلة: «وقعت في الحمام وحصلي مشاكل نفسية».. رد حاسم من أمين الفتوى

تلقى الدكتور عمرو الورداني، أمين الفتوى بدار الإفتاء المصرية، سؤالًا من متصلة تقول فيه: «من فترة وقعت في الحمام، ومن بعدها نفسيتي تعبانة وكارهه نفسي وكارهه الناس».
ورد الورداني على السؤال في برنامج «ولا تعسروا»، والذي يعرض على القناة الأولى المصرية، اليوم السبت، قائلًا: «مفيش حاجة عند حضرتك، ولا سبب ولا رابط بين مشكلتك الحالية وسقوطك في الحمام، لكن يبدو إن سقوطك هز ثقتك في نفسك».
وأضاف: «إحنا محتاجين نتأكد إن حياتنا موقفتش وعطلت، يعني مثلا لو حصل ده وبطلتي تروحي الشغل أو حصل ده لواحدة بترضع فبطلت ترضع، أو حصل ده لواحده فبدأت تكره مولودها أو تجرح نفسها كل هذه الحالات تحتاج إلى التوجه إلى طبيب نفسي».
وتابع أمين الفتوى بدار الإفتاء: «الأمر الثاني هو الاستمرار في الذكر، والأمر الثالث عدم الالتفات لهذه الحادثة، كل ما تجي في ذهننا نزيحها من ذهننا، لأنها مش هي السبب، بس توافق إن هذا التغير في شخصيتنا يحصل مع الحدث ده».