أيمن بهجت قمر يهاجم شخص بسبب أغنية بهاء سلطان: «إنت بتنصحنا عشان نبقى في مكانتك مثلا!»

هاجم الشاعر أيمن بهجت قمر، أحد العاملين بالوسط الفني «مجهول»، وذلك بسبب تعليقه على أغنيته «قلب أسود» من غناء بهاء سلطان، والتي طرحها، اليوم، عبر موقع الفيديوهات «يوتيوب»، معلقا على هذا الشخص المجهول قائلا :«يعني أنت بتنصحنا عشان نبقى في مكانتك مثلا أنت بعيد أوي وبعيد عشان باصص على غيرك».
وقال «بهجت» عبر «فيسبوك»:«في بعض الصغيرين في الحقل الموسيقي ما اتعلموش يعني إيه زمالة ما اتعلموش يعني إيه احترام والمفاجأة إنهم أقزام في المهنة، حقيقي بشفق عليهم من الغيرة لأنهم فعلا تحت وتحت أوي والناجح الشاطر هو اللي بيفضل باصص عليهم من فوق ربنا يهديهم».
وأضاف :«بص يا حبيبي حضرتك لما شغل زمايلك ينزل من الأدب إن لو فيه حاجة ماعجبتكش تسكت لإنك هارينا أعمال رخيصة وساكتين، أنت تنصح نفسك تنفع نفسك تخليك في نفسك يعني أنت بتنصحنا عشان نبقى في مكانتك مثلا أنت بعيد أوي وبعيد عشان باصص على غيرك وبتلهث وراه عشان كده أنت ضئيل، ربنا يعينكم على نفسيتكم أنا سعيد لإني مش زيكم وعمري ما كنت زيكم».
وكانت الشركة المنتجة طرحت أغنية المطرب بهاء سلطان الجديدة، الأربعاء، والتي تحمل عنوان «قلب أسود» عبر صفحتها الرسمية بموقع الفيديوهات «يوتيوب».
أغنية «قلب أسود» هي من كلمات أيمن بهجت قمر وألحان وليد سعد وتوزيع جلال حمداوي.
وتقول كلمات أغنية «قلب أسود»ما سمعتش انا عن بني ادم ابدا بيعض، وايدي اهي اللي اتمدت له، عملها اكتر من مره بسهوله تخض، وماشي يقول أن انا قاتله، ابو قلب اسود فحمه، هيجيب منين الرحمه، هعتبره كان دوشه وزيطه في وسط زحمه، والله دي بلاد تتفات له، بدل ما راسه يوطيها يحطها ف الارض، بيبص لي بكل بجاحه، ناقص له كاميرا انا بتفرج يظهر على عرض، تمثيله فاشل بصراحه، ابو قلب اسود فحمه«