«طلاق وإدمان وبحب شيرين».. ملخص تصريحات حسام حبيب مع عمرو أديب

ظهر أمس الجمعة الفنان حسام حبيب في مداخلة هاتفية مع الإعلامي عمرو أديب في برنامج الحكاية في اول ظهور إعلامي له بعد دخول شيرين عبدالوهاب بمستشفى أمراض نفسية، ونقدم لكم في هذا التقرير ملخص كامل لتصريحات الفنان حسام حبيب.
1- أنا رجل متعلم ومتربي ومينفعش أهاجم ست عاشرتها لو ليلة.
2- علاقتنا كانت very bure مش توكسيك زي مالناس بتقول.
3- مكنتش باخد منها فلوس ولاعمري خدت..no way حتى لما كانت بتقولي خد فلوس كنت برفض.
4- شيرين حلقت شعرها عشان تجبر نفسها وتقتنع لما تبص في المراية إن علاقتنا انتهت.
5- اغمي عليا لما شفتها حلقت شعرها..دخلت قفلت عليها وحلقت شعرها وكان أول مرة أطلقها.
6- فلوسي كانت أكتر من فلوس شيرين بكتير لما اتجوزنا، بس الست دي كانت منتهكة، أنا اوضة نومي أنا وشيرين كانت عاملة زي محطة مصر.
7- شهرتي زادت من شيرين.. بس معملتش حاجة لنفسي لحسام حبيب المطرب.
8- سمعت زيي زي الناس أن شيرين وصلت للمرحلة الثالثة من الإدمان.
9- اتطلقنا لأن أنا كنت عايز أبعد عن البيئة المحيطة بها واللايف ستايل اللي هي عايزاه.
10- لما اتطلقنا واتصالحنا لاننا بنحب بعض، ومكانش حد عارف غير أهلها وأهلي.
11- تنازلت عن عربيتي.. والعربية كانت باسمي وجابتها هدية عن شغل عملناه سوا.
12- كانوا داخلين فاتحين مطواة وهم بياخدوها للمستشفى نزلوها ببيجاما جرجوها عالأرض.
13- أنا اتضربت ووقعوني على السلم وقالولي لو هتعمل محضر انت بتضرها أكتر.
14- شيرين عبدالوهاب حاولت الانتحار داخل المستشفى.
15- لم أعلق أبدا على تغير شكلها وزيادة وزنها، حتى أني اعتبرت نفسي سبب في ذلك.
16- الناس اللي عايشين من خير شيرين هما اللي كانوا عاوزني أبعد عنها، لأن الحنفية خلاص اتقفلت.
17- بعد الانفصال عدت أنا وشيرين مرة أخرى كزوجين ثم انفصلنا مرة أخرى، وقررنا الاستمرار كصديقين.
18- لو أنا مدمن هل أهلي هيسبيوني بدون علاج؟ بالعكس سبب انفصالنا هو عدم تراجعها عن هذا الطريق.
19- هناك شخص، هددها سابقا برفع قضية حجر عليها والسيطرة على كل أموالها.
20- أحب أن أوضح أن كل أملاك شيرين مسجلة باسم بناتها، وأنا من اقترح عليها ذلك بعد زواجنا، وساعدتها في عمل وصية مسجلة في بنوك خارج مصر.
21- لم أحاول دخول المستشفى كما ادعى البعض، بل اكتفيت بالوقوف بسيارتي والانتظار داخلها لحين عودة سارة الطباخ والمحامي ياسر قنطوش.
22- حاولت إني أعالج شيرين وإحنا متجوزين واتعالجت فعلا، بس منهم لله اللي خدوها من سكة حطوها في سكة أوحش.
23- أنا بحب شيرين لسة.. وأكبر عذاب إنك تكون بتحب حد وتكون الظروف والناس ضدنا، وأكبر غلط إننا سمحنا للناس يتدخلوا بيننا.