«بيعصبني».. ميمي جمال تعلق على تريند عمرو يوسف وكندة علوش (فيديو)

تصدر اسم الفنانة ميمي جمال تريند مواقع التواصل الاجتماعي، بعد تصريحاتها التي دعت فيها النساء لمؤازرة ودعم أزاوجهن، وعدم الالتفات إلى الدعوات التي تردد «الست مش ملزمة» بإرضاع أبناءها، ويجب أن تؤجر على ذلك.
علقت الفنانة ميمي جمال على تصدر الفنانة كندة علوش وزوجها الفنان عمرو يوسف التريند بسبب ظهورهما معا على السجادة الحمراء لمهرجان فينيسيا، مشيرة إلى أن ما فعلته «علوش» طبيعي.
وأضافت ميمي جمال خلال لقائها ببرنامج «الستات» الذي تقدمه الإعلامية سهير جودة: «طبيعي تبقى واقفة وتسند راسها على كتف جوزها، هنتكلم في دي كمان، ما الزوج سند، بلاش التريند ده، الكلام بيعصبني».
وتحدثت ميمي جمال عن الموضوعات التي تصدرت السوشيال ميديا خلال الفترة الماضية، ومنها الزوجة مش ملزمة، حيث قالت: «أنا مش مع التريند ده، يعني إيه الست مش ملزمة، اللي أعرفه أن الست المتجوزة مسئولة عن بيتها مسئولية كاملة، لازم تكون فاهمة يعني إيه أكل، حاجة جوزها تتكوي إزاي، جوزها بيحب إيه، أمال هو قاعد معاها ليه؟».
وأوضحت ميمي جمال: «مش عشان خدمة، عشان بيحس، أنا النهاردة عملت لك اللي نفسك فيه، اللي أنت عايزه، أدخل الحمام هتلاقي فوطة نضيفة، حاجتك مظبوطة، لازم الست تبقى ملزمة بجوزها».
ودخلت ميمي جمال في نوبة من الضحك عند الحديث عن إلزام الزوج بدفع أجر الإرضاع للأم وقالت: «أجر يعني إيه؟ يدفع لها فلوس عشان بترضع الولاد؟ يعني إيه؟ يعني كان زمان ستات مصر بقوا مليونيرات، اللي بتخلف 4 و5 وبترضع دي، كان زمانها بقت مليونيرة، ايه الكلام ده؟ في تطور في الدنيا، وناس تقول لك دول موضة قديمة، لكن في ثوابت في الدنيا، في ست ورجل، الرجل يبقى واخد باله من مراته ويراعيها ويكلمها بأسلوب كويس، عشان الحياة أخد وعطاء، ومسئولية الست تخلف وتكبر ولادها وتاخد بالها منهم».