«جمالنا كان طبيعي».. شهيرة توضح الفارق بين جمال نجمات الجيل الحالي وفي الزمن الجميل (فيديو)

كشفت الفنانة الكبيرة شهيرة عن الفارق بين جمال النجمات في جيلها والجيل الحالى، قائلة: «جمالنا كان طبيعي.. أما النهارده (الفنانات) كلهم شبه بعض».
وقالت «شهيرة»، خلال لقائها ببرنامج «كلام الناس» الذي يذاع على شاشة Mbc مصر: «في جيلنا كل واحدة لها جمال خاص بها، مكنش فيه فيلر وبوتكس، مكنش ممكن تروح للدكتور تقول أركب شعر، على عكس كل حاجة موجودة دلوقتي».
وأضافت مازحة: «يا ريت الحاجات دي كانت موجودة زمانا، كنت طلبت أكون شبه مارلين مونرو».
وعلقت على نجمات الجيل الجديد قائلة «إن كلهم شبه بعض»، لكنها عقبت قائلة: «فيه نجمات لهم جمالهم الخاص، اللى يؤهلهم لعمل أدوار معينة».
وأشادت شهيرة بالفنانة منة شلبي: «يعجبني جمالها.. بسيط لكنها جبارة في التمثيل».
وتابعت: «تعجبني أيضًا هند صبري».
وأضافت: «بتفرج على ممثلات كتير بيعجبوني وبنبهر بيهم، لكن لا أتذكر أسماءهم».
ياسمين عز: ايه الفرق بين جيلك والجيل الحالي من الفنانات؟.. شهيرة: جمالنا كان طبيعي.. النهاردة كلهم شبه بعض باستثناء النجمة دي
تقدر تشوف الحلقه كامله على شاهد (اتفرج ببلاش)https://t.co/LcvKGx4yPu#كلام_الناس#MBCMASR pic.twitter.com/tzDqxCzurI
— MBC مصر (@mbcmasr) September 2، 2022