أمين الفتوى بدار الإفتاء: الشخص الممتنع عن دفع ثمن علاج زوجته «غير نبيل»

شكت سيدة للدكتور عمرو الورداني، أمين الفتوى بدار الإفتاء، من زوجها الذي لا يصرف عليها أثناء مرضها.
وقالت السيدة خلال رسالة نصية عبر «فيسبوك» لبرنامج «ولا تعسروا» تقديم الورداني، على القناة «الأولى المصرية»، مساء الأربعاء: «بطلب من حضرتك توضح إن المفروض إن الزوج هو اللي يصرف على علاج زوجته لو مريضة، وهي لا تعمل وليس لها أي مصدر دخل».
وعقّب الورداني: «أنا بحب مسألة الإرشاد الزوجي، وكده، وعايز أقولكم إن في مؤشر خطر في حياتنا اللي إحنا عايشين فيها دي، الخطر هو إن الحياة الزوجية فيها مشكلة كبيرة إنها بقت مسألة حسابية ومبقتش مسألة حقوق وواجبات دي أنا هاخد قد إيه من اللي هعمله فبقيت حياة مليئة بالوجع كل ما بنعمل تصرف كل ما بنتجرح، حياة مفيهاش وجعلنا بينكم مودة ورحمة».
وتابع: «النكاية في الزوجة والتنكيد عليها، افرض يا سيدي مديتكش حقك تعمل فيها كده، هو ده ولا تنسوا الفضل بينكم، هي دي واستوصوا بالنساء خيرًا».
وأكد أن الفقهاء اتفقوا على أن الزوج يجب عليه كسوة زوجته والكسوة والمطعم والمسكن والطعام ينقسم إلى ثلاثة أشياء، القوت وما يصلح القوت والعلاج، متابعًا: «واجب عليه المطعم والعلاج، ودي مسألة الشهامة والنبل، والشخص اللى ممتنع عن دفع ثمن العلاج لزوجته وهو قادر على ده شخص غير نبيل».