علق الإعلامي عمرو أديب على طلب أحد المتابعين من رجل الأعمال نجيب ساويرس، قائلا: «حد بعت لنجيب ساويرس قاله عاوز 2 مليون عشان عاوز أروح الساحل، ساويرس قاله: ما يكفوش». وأضاف «أديب» خلال حلقته ببرنامج الحكاية والمذاع عبر فضائية mbc مصر: «طبعا الدنيا مقلوبة، لكن نجيب ساويرس ميقصدش أنه بيصرف 2 مليون جنيه في الساحل، بيهزر، وأكيد الراجل التاني مش هياخد 2 مليون جنيه عشان يروح بيهم الساحل بس، إن شاء الله ما حد راحل الساحل خالص، إحنا في إيه ولا في إيه». وتابع عمرو أديب أن الأيام الجاية من أصعب ما يمكن وطالب المواطنين بترشيد استهلاك النفقات والتنازل والاهتمام بالأولويات، وعقب «على قد لحافك مد رجليك».