قال الشيخ خالد الجندي، إن «تحذير الناس انها تحترس من كل نصاب دي مشكلة كبيرة، كونك انك تحذر الناس من كل النصابين والدجالين، اللي بيشيعوا بين الناس العفاريت والسحر والأعمال والشعوذة، والرقية الشرعية، هتتحمل طولة لسانهم وأذاهم، وقلة آدابهم، ولا مش هتتحمل»، مضيفا «لو مش هتتحمل يبقى متفتحش الموضوع ده». وأضاف الجندي عبر برنامجه «لعلهم يفقهون» المذاع على قناة «دي ام سي»، الأربعاء، أنه «انك تنصح الناس انها تحط فلوسها في البنوك، وميسمعوش كلام النصابين والدجالين اللي بيقولوهم أن اموال البنوك ربا، علشان كروش المستريحين اللي جاهزين وعلشان فتاوي السلفية اللي جاية من وراء الحدود، وعلشان دول بيقبضوا بالريال والدولار واليورو، مش حاسس بمشكلتك قاعد بس مستني علشان حضرتك تخش في الحيطة ويتخرب بيتك، فيهددك بآيات الربا اللي مش نازلة في البنوك، دي نازلة في حاجة اسمها ربا الجاهلية، اللي الرسول حرمه في حجة الوداع». وتابع الجندي، «انا بقا اتحدى لو واحد منهم قدر يشرح الفرق بين ربا الجاهلية وربا الفضل»، مضيفا: «ويدخلوا عليك بحديث، والحديث ده مش حديث نبوي اصلا، ويقولك كل قرض جر نفعا فهو ربا»، منوها انه «اذا عندك استعداد تدخل الملف ده، راجل واستحمل، عندك استعداد تدخل في نصرة قضايا المرأة وتصحيح قضايا الأحوال الشخصية، وإسقاط الأكذوبة المسماة بالطلاق الشفويي، وتتحمل طولة اللسان والنتائج، الله يكون في عونك، ماعندكش استعداد، الضعفاء يمتنعون».