مجلسنا المحلى.. بيغنى أمان ياللّى!

مجلس محلى الرمل.. مشغول بغيرى.. وغايب عن مشاكلنا تملّى.. مشغول بغيرى ومعطل سيرى.. والمخالف عمّال يبنى ويعلّى.. وشارع العشرين.. مافيش منه اتنين.. فى كل المخالفات ما هو مخلى.. وأعضاء المجلس المحلى قاعدين متسلطنين.. بيغنوا أمان ياللّى.. يا مجلسنا الموقر.. دى إسكندرية.. مراية وترابها زعفرانى.. معقول يبقى فيها شوارع مش مرصوفة يا مجلسنا.. وتبقى إنت الجانى.. والشوارع اللى فيها مسؤول كبير مرصوفة.. وترصفوها من تانى.. والغلبان التراب عامى عنيه.. ورئته من غباره بتعانى.. يا مجلسنا اعمل بقى حاجة.. ولاّ مش فاضى للغلبان اللى فى يوم اختارك.. اتنازل شوية وانزل للشارع.. وحل مشاكله.. علشان مرة تانية يختارك.. يمكن فى يوم يدعيلك.. ربنا يخليك.. وفى عمرك يبارك.. مش حباً فيك.. بأقدم النصيحة ليك.. حبى لبلدى هو اللى خلانى بالرأى أشارك!
مدير عام سابق