رامي جمال يعلق على كثرة حالات القتل والانتحار خلال الفترة الماضية

علق المطرب رامي جمال، على حالات القتل والانتحار خلال الفترة الماضية، حيث قدم العديد من النصاح إلى الشباب لتخطي تلك الازمات وعدم الانخراط خلف الازمات النفسية.
وقال «رامي» في فيديو عبر «إنستجرام:» شايف إن اليومين دول حالات الانتحار زادت وده دليل إن المشاكل النفسية والتربية ليها دور كبير في حياتنا، عايز أقول لكل الناس تعتقدوا إن مش كلنا بنمر بمشاكل وأزمات نفسية، كلنا بيجيلنا وقت كتير بنبقى شايفين الدنيا ضلمت ومافيش حلول والمرض والضغط النفسي أبشع 100 مرة من المرض العضوي، لأنك بتبقى محبوس جوا نفسك حبسة محدش يقدر يفهمك غيرك«
View this post on Instagram
A post shared by Ramy Gamal (@ramygamalmusic)
وتابع :«عايزة أقول لكل أخواتي.. اللي بينتحر عشان امتحانات واللي بينتحر عشان أهله، طبعا ربنا يرحمهم ويسامحهم ويغفرهم، ولكن اللي بيجيلهم الأفكار والوساوس دي والله مافيش مشكلة من غير حل، مافيش أزمة إلا وبعدها فرج من ربنا والحزن بعده سعادة، لأن الدنيا اختبار لينا كلنا ممكن الناس هتقول إن النصيحة جاية مني أنا وأنا غير أهل لها».
وأضاف :«ولإني عارف إننا في زمن التصنيفات والقساوة في الردود، ولكن أنا معنديش مشكلة في الأذية النفسية اللي بشوفها في الآخر من بعض الناس، لإني برضو بشوف من ناس كتير ردود ومشاعر حلوة وتصرفات جميلة وده اللي باقي».
وأختتم:«اللي باقي في الدنيا لو عندنا مشاكل أهلنا وأصحابنا والدكاترة النفسيين، لأن دي شغلانتهم إنهم يعدونا من الأزمات النفسية اللي بنمر بيها ويهونوا علينا اللي بيحصل ويعدونا من اللي احنا فيه، في ناس بتشوف أن الطب النفسي ده حاجة عيب وأنا بقولكم والله ما في أزمة إلا وبعدها فرج»