بعد تحريف تصريحاتها بشأن منى زكي ..رانيا محمود ياسين :«حقيقي شيء مقزز»

أعربت الفنانة رانيا محمود ياسين، عن استاءها الشديد من الأنباء المحرفة بشأن تصريحاتها الأخيرة ببرنامج «كلام الناس»، الذي تقدمه الإعلامية ياسمين عز عبر شاشة mbc مصر.
ونشرت «رانيا ياسين» صورة لها من الحلقة، عبر حسابها الرسمي بموقع الصور والفيديو «إنستجرام»، وعلقت عليها قائلة :«أنا نفسي ماتخدوش المنشتات اللي بتكتب في بعض المواقع للأسف، لأنها بتبقى مأخوذة من سياقها ولو في فيديو اسمعوا افضل».
وتابعت:«علشان الهدف من المنشتات دي أنهم يستفزوا الناس ويخلوا الناس قرفانة من الفنانين، ومش مهم الفنان ده يتكره أو يتشتم بأهله، المهم أنهم يعملوا مشاهدات للموقع، ويبقى في ريت للموقع وشتيمة وتريند».
وأضافت رانيا محمود ياسين: «أنا حواري الأخير في mbc مثلا، بعض المواقع أخدت الكلام بمنتهى الأمانة زي ما قولته، وفي ناس تانيه حطت منشتات مستفزة، لما المذيعة بتسألني إن جيلنا ناس كتير اتهرست علشان الظروف السياسية اللي مرت على مصر في ال 10 سنين اللي فاتوا».
واختتمت ياسين:«قولت طبعا كتير مننا تأثر في مشواره الفني لكن مثلا منى زكي وغادة عادل، أثبتوا نفسهم، فيبان في المانشت إني بحقد على غادة ومنى، وأنهم أخدوا فرصة الجيل وإحنا لا.. وحقيقي شيء مقزز، وحسبي الله ونعم الوكيل في اللي يحرف الكلام عن مواضعه».
View this post on Instagram
A post shared by Rania Yassin (@raniayassin10)