«بتكسف»..بيومي فؤاد : «معجباتي كتير لإنى لطيف .. وبخبي حاجات عن زوجتي»(فيديو)

قال الفنان بيومى فؤاد: «انا كنت مستصغر نفسي على الجواز على طول وكنت بتكسف أقول لاي بنت انى معجب بيكى»، ولهذا السبب تزوجت على كبر، وكنت دائما بحب من طرف واحد.
واضاف «بيومى» خلال الجزء الثانى من حلوله ضيفا ببرنامج «واحد من الناس» مع الاعلامي د. عمرو الليثي على شاشة الحياة: «أنا في حاجات كتير اخفيها عن مراتى منها انى بشرب سجاير من وراها، ومن الحاجات اللى بخبيها عليها انى كل سنة كنت بوعدها انى مش هعمل مسلسلات في رمضان، واخفي عليها وبعدين بمضي شغل في رمضان، وزوجتى ما تعرفش انا رايح فين وجي منين، وانا بطبعى لو حد كلمنى وقالى تعالى عاوزك ما اسئلوش عاوزنى ليه، وامى هي اللى علمتنى اسبها على الله وبلاش مقاطعة، لكنى لا يمكن اكذب، وعمر زوجتى ما اتجسست عليا«، وتابع: «الحمد لله لم يتم كشفى في حاجة لحد دلوقتى لأن مراتى زعلها وحش اوى والحمد لله ما جربتش لحد دلوقتى»».
واشار بيومى فؤاد إلى أن «هناك معجبات كتير بى لانى لطيف، والتقل عندى انا مولود بيه طبيعى، وبكره الكلام في التليفون، ومعرفش اجيب دباديب، وانا ومراتى عمرنا ما قولنا لبعض في عيد جوازنا كل سنة وانتى طيبة، وفي أعياد الميلاد اهتمامنا اكتر بولادنا «.
واضاف: «دائما عندى حدود وبحب الست اللى بتعمل حدود، وسر السعادة الزوجية في اللى ينفع تطنشه طنشه علشان تبقى لطيف، وعلشان الحياة تستمر، وكمان علشان لما تقوملك قومه يعرفوا انه لسبب كبير».