وعمار يا إسكندرية.. يا جميلة يا ماريا

وعمار يا إسكندرية
يا جميلة يا ماريا
وعد ومكتوب عليا
و مسطر ع الجبين
■ ■ ■
لاشرب م الحب حبه
وانزل بحر المحبة
وأسكن حضن الأحبة
والناس الطيبين
حكاياتك يا زيزينيا حواديت
وناس ودنيا فى حوارى إسكندرية
وليالى المنشدين
وأما التاريخ يواكب
ويزاحم بالمناكب
يتعبى ف المراكب
وغناوى الصيادين
■ ■ ■
وعمار يا إسكندرية
يا جميلة يا ماريا
وعد ومكتوب عليا
ومسطر ع الجبين
■ ■ ■
هيلا هيلا وهيلا بيلا شيال
والعمر شيلة.. وهموم الدنيا ليلة
فيها القمر حزين
ويا موج بحر الليالى عديتك وإنت عالى
ودفعت المهر غالى
م الأيام والسنين
■ ■ ■
وعمار يا إسكندرية
يا جميلة يا ماريا
وعد ومكتوب عليا
ومسطر ع الجبين