«الصورة مافيهاش غلط».. أحمد فهمي يكشف أسباب تشويش صورته

انضم الفنان أحمد فهمي إلى حملة توعوية، للأشخاص الذين يعانون من ضمور في شبكية العين، مُسلطًا الضوء على المعاناة اليومية التي يعيشها هؤلاء، مثل رؤيتهم للأشياء لكن بشكل غير واضح حتى تظهر الأجسام أمام أعينهم مُشوشة ومُهتزة، لذا حاول الفنان تلخيص جزء من مشاكلهم شبه الدائمة، بنشر صورة «سيلفي» له وجزء من وجهه غير واضح.
قال «فهمي» عبر صفحته الشخصية ب«إنستجرام»: «الصورة دي مفيهاش حاجة غلط، دي صورة طبيعية بس من عين شخص عنده ضمور في الشبكية (Macular Degeneration) وده نوع من أنواع ضعف البصر بيخلي الشخص يفقد النظرة المركزية والتفاصيل الدقيقة اللي في الصورة».
وتابع: «الشخص ده محتاج يعرف إزاى يقدر يعتمد على رؤيته الجانبية ويقويها، علشان يمارس حياته بشكل طبيعي جدا، تابعوا مؤسسة بصيرة خلال شهر فبراير علشان تتعرفوا على أنواع ضعف البصر والخدمات اللي بتقدمها المؤسسة».
واختتم كلماته باعثًا رسالة إلى الجميع: «لما بنشوف الدنيا بعيون غيرنا بنقدر نتخيل حياتهم ونفهم احتياجاتهم»، يذكر أن الفنان قلما يشارك في حملات توعوية، لكن كانت آخر حملة شارك بها «فهمي»، هي حملة تجربة لقاح «كورونا» التي أطلقتها وزارة الصحة المصرية، منذ أشهر، وأطلق فيديو ويتلقى اللقاح المُضاد للفيروس في أحد المراكز الطبية.
وعلّق «فهمي» عبر تغريدة ب«تويتر»: «فخور بمشاركتي في المرحلة التالتة من التجربة الإكلينيكية اللي مصر بتعملها.. لاختبار لقاح ضد الكورونا، وسعيد إني أكون جزء من الحملة اللي بتشجع الناس إننا نعمل حاجة مهمة ومفيدة لأجل الإنسانية.. وعشان التجربة تكمل، محتاجين لسه أعداد كتير تيجي تشارك».
View this post on Instagram
A post shared by Ahmad Fahmy (@ahmadfahmy_official)