«بخاف لما بيتعرف أني حفيده»..أحمد جمال يتحدث عن جده فريد شوقي (فيديو)

تحدث الفنان أحمد جمال سعيد، حفيد الفنان الراحل فريد شوقي، عن خالته الفنانة رانيا شوقي ومدى تشابهها مع والدها الراحل في تصرفاتها وطباعها، لافتًا إلى أن علاقته بها قوية بسبب محاولتها تدليله مُقدمة الأكلات المُقربة إلى قلبه طوال الوقت، فيما أوضح أن حمل اسم جده الفنان فريد شوقي تُعد مسؤولية مُرهقة نفسيًا.
وقال «سعيد» عبر برنامج «The Insider»، المُذاع عبر قناة «دبي»: «فريد شوقي حاجه كبيرة وثقيلة، بخاف لما بيتعرف أني حفيده بكون قلقان»، واستكمل مؤكدًا على أن رانيا هي خالته المُفضلة: «دي بقى اللي فعلًا فريد شوقي، يعني رانيا هي فريد شوقي بجد، وبالنسبة ليّا هي أحن واحده عليّا».
وتابع: «أنا بحب الأكل جدًا، وهي بتعملي الأكلات اللي بحبها، وبوجهلها رسالة، السجق وحشني من إيديكي أوي»، يذكر أن أحمد هو حفيد «شوقي» والفنانة هدى سلطان، والدته مها أما والده هو اللواء جمال سعيد محمد، الذي أعلن الفنان وفاته في حادث سير على طريق وادي النطرون بعد انفجار إطار سيارته، عام 2016، وودعه الشاب عبر منشور ب«فيسبوك»: «مش هعزى فيك بالعكس فرحنلك أنك دلوقتى مع اللى خلقك وكانت أخر أعمالك عمرة لبيته الكريم.. كفايه إنى شفت ضحكتك قبل ما أفارقك».
واستطرد: «بباركلك على ترقيتك الجديدة وهي جنة تجرى من تحتها الأنهار خير ليك من الدنيا وما فيها، ربنا يصبرني ويقدرنى أكون الولد الصالح اللى يدعيلك في الدنيا ويدخلك الجنة في الآخرة، بحبك يا أبويا وأمي وأخويا وصحبي وكل مالي في الدنيا.. ألف رحمة ونور عليك يا حبيبي».
وكان الفنان بدأ مسيرته في التمثيل منذ عام 1997، وفي عام 2004 شارك في مسلسل «محمود المصري»، بطولة الفنان محمود عبدالعزيز وتتوالى الأعمال الدرامية وأبرزها في 2006 شارك في مسلسل «اللي اختشوا ماتوا»، وفي 2008 قدّم دور في مسلسل «قلب ميت»، وب«سقوط حر» في 2016. وأنضم إلى فريق مسلسل «عزمي وأشجان» في 2018، حتى ظهر مع الفنانة ياسمين عبدالعزيز والفنانان؛ كريم فهمي وشريف منير بمسلسل «ونحب تاني ليه!»، في رمضان 2020 كذلك مسلسل «الاختيار» و«الفتوة» وغيرها.
وكشف «سعيد» جانب من حياته الأسرية، موضحًا أنه تزوج بعد قصة حُب بدأت منذ 8 سنوات، ويقول عن زوجته مُشاركًا بصورها في «انستجرام»: «تبدء الحكاية من 8 سنين شفتك، وبقى حبي ليكي يقين سعادة وهنا وساعات في خصام، فاكر معاكي كل الأيام في ضهري سند وجمبي أمان، سبب في رزقي عشان بنت حلال، أم لابني وليا كمان، عمود البيت شيلاه من زمان، الشيله ثقيلة بس إنتي تمام، اسمك وصفك، قمر بينور، كل اللي شافك مبعدش ده قرب وساعتها بغير متقليش بتهرج».
ولدي الفنان طفل من زوجته، يدعى يحيى، والذي كان وجه إليه رسالة حُب، منذ أيام، بمناسبة يوم ميلاده: «في كل لحظة بشوفك فيها بتكبر، بكون خايف لايجي اليوم اللي فيه علينا تتغير، وتقول أنا كبرت وعقلت نضجت أو أسمع منك مثلاً أنا قررت أصل أنا فكرت فقلت، أكيد مش فاهم ليه أنا خايف وأكيد مش شايف نفسك زي ما أنا شايف ومتقوليش أنا عارف يا ابني أنا حضرتك وأنت بتتكون وأنت بتتلون بعد ما كنت في شاشة أبيض وأسود نبضك بس اللي بيتكلم».
وتابع: «اليوم في عيدك أنا بمسك إيدك وأنت بتتنطت لسه مش عارف إيه اللي يفيدك وفين طريقك ممكن يخودنا ما أنا مش هسيبك أنا أبوك وحبيبك، في كل سنة هفضل أقلهالك بحبك بزيادة وتعيش وتحيا يا يحيى في قلبي وقدامي أشوفك مالي هدومك راجل سندال وسيد الرجالة بحبك بزيادة».
View this post on Instagram
A post shared by The Insider بالعربي (@theinsiderar)