وضحت الفنانة عبير صبري ما نشر حولها من اخبار، عن ارتداء الحجاب والتي صرحت به في حلقة الإعلامي عمرو الليثي، مشيرة إلى أن بعض المواقع الالكترونية تقتص سياق حديثها من أجل التريند وعدد المشاهدات لهم فقط. ونشرت «عبير» صورة لمنشورها التوضيحي لما حدث خلال الساعات الماضية وعلقت عليه قائلة:«ارجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل اذاعه الحلقه ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامه الفنان اللي هيتعرض ليه الفنان طالما هيعملوا تريند محروق الترند الرخيص على اللي بيسعي ليه». وتابعت: «رأيي كان ومازال الحجاب فرض اؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج (واحد من الناس) مع دكتور عمرو الليثي هل ندمتي على الحجاب قلت حرفيا ندمت اني لبسته قبل مااكون مستعده مظبوط للخطوه دي وندمت اني قلعته واتمني ارجعله في وقت تاني ..فلو سمحتم متحطونيش في خانه مش بتاعتي ولا انتمي ليها انا اؤمن بالحجاب واحترمه وامي واختي محجبات وانا بعرف انا بقول ايه كويس اما شتايم الناس فهي في رقبه كذب المواقع الباحثين عن ترندات قله القيمه وشكرا». وكانت الفنانة عبير صبري وضحت،صباح اليوم، ما حدث خلال حلقتها مع الاعلامي عمرو الليثي، عبر «فيسبوك» وكتبت:««باختصار انا عملت حلقه مع دكتور عمرو الليثي في برنامج واحد من الناس وكان سؤال من دكتور عمرو ندمتي على لبس الحجاب رديت حرفيا ندمت اني لبسته بدون ما أكون مستعده مظبوط وندمت إني قلعته وأتمني ارجعله في توقيت تاني ربنا يختاره ليا». وتابعت: «نقطه اخر السطر اما المواقع اللي اخدت نص الاجابه بكيفها عشان الترند والرخص انا ياجماعه مش من محبي الترند ولا بحترمه وبشوفه شيء رخيص وتافه وميعبرش عن شخصيتي المتوازنه المحترمه والنقطه بتاعت الحجاب دي تحديدا معروف راي فيها دايما اني بعتبره فرض واحترمه واتمني العوده ليه فلو سمحتم محروق الترند القذر واللي بيسعي ليه على حساب كرامه الناس وسمعتهم».
