«المفروض نتفق على الطلاق بكل هدوء».. زوجة تامر عاشور توضح تفاصيل علاقتهما

أوضحت سمر أبوشقة، تفاصيل علاقتها بزوجها الفنان تامر عاشور، بعد الجدل الذي أثير مؤخرًا عن استمرار زواجهما رغم انفصالهما منذ أكثر من عام.
وكتبت سمرعبر حسابها على «إنستجرام»: «أنا وتامر هنفضل نحترم بعض لأن في بينا عشرة وفي بينا بنتنا أيام اللي هتفضل رابط بينا طول العمر.. واللي أهم ليا أنها أن شاء الله تكبر متلاقيش أي حاجة تضايقها وتلاقي كل هدوء..الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقي حد مشهور».
وأضافت: «إحنا اه منفصلين (مش مطلقين) (ولا اطلقنا).. .ومرينا بمشاكل زي أي ناس طبيعية ..اتفقنا أو اختلفنا بتحصل يعني وبغض النظر عن مين غلط ف حق مين وازاي.. ولكن مهما حصل مفيش حد هيقبل أن يحصل تجريح للتاني ف اللي جاي».
وتابعت: «أنا رديت على اسئلة الاستورى بعفوية وبطريقتي اللي عمرها ما هتتغير وعاااااادي جدا بس للاسف في مواقع حطت عناوين غلط علشان تشد وتزود التفاعل عندهاوخلاص.. وعلي فكرة كلامي كان واضح وبسيط وموجود لحد دلوقتي مشلتوش على بروفايلي هنا.. ومقولتش أي حاجة غير الحقيقة اللي حصلتببساطة وكان ظاهر منها 80 % أو اكتر من غير أي شرح...ومنعا للمهاترات هي مش حرب مع ابو بنتي ولا عمرها هتكون».
واستطردت: «والمفروض اننا نتفق بكل هدوء على الطلاق انه يتم خلال الفترة الجاية... واللي اكيد بعد مايحصل مش هينقص من احترامي ليه أو احترامه ليا وهنفضل أصدقاء تجمعنا» أيام«اللي هتفضل أهم من أي حد وأي حدث..بس نبقي بنتجنب الضغوطات والمشاكل اللي ايا كان سببها موجود أو انتهي بلا رجعة».
وانهت حديثها قائلة: «اتمني الموضوع يتقفل ومشوفش أي حاجة تضايقني.. واللي بيحبوني دعوة حلوة وشكرا لكل الحب والدعم اللي بشوفه».
وكشفت «أبوشقة» عن رغبتها في الطلاق رسميًا من خلال الرد على مجموعة من الأسئلة التي طرحها متابعيها حول علاقتها بزوجها مستخدمة خاصية القصص القصيرة.
بدأت القصة حين سألها أحد متابعيها دون الكشف عن هويته عن ما إذا كانت تفكر في الزواج مرة أخرى، حيث أكدت أنها لا تستطيع التفكير في هذا الأمر «مقدرش أفكر إلا لما يتم الطلاق الأول بيني وبين تامر».
ثم تلقت بعد ذلك عددًا من الأسئلة التي تدور في نفس الإطار، لتجيب مؤكدة أنها كثيرًا ما طلبت الطلاق وأنها متمسكة بقرارها، وأنه سيحدث قريبًا، كما أجابت عن سبب إنهائها لأي علاقة قائلة: «النكران والخيانة».
وكان تامر عاشور قد أعلن عن انفصاله عن سمر أبوشقة عام 2018 وبعد مرور شهر واحد فقط من زواجهما، الذي أثمر عن ابنتهما أيام.
View this post on Instagram
A post shared by samar samir (@samarabosho2a)