اقفش ... فلول

ناس ..مسكو فى رقاب العباد 30 سنه .. ما سابوش ايديهم غير وهى طالعه بلحمنا ودمنا
شهدا وناس ماتت فى معتقلات .. وناس ماتت من الجوع والامراض اللى ملوا البلد بيها .. وناس انتحرت من الاكتئاب
واحوال اقتصاديه زفت .. واحوال سياسيه نيله ..
كل ده وعاوزين يرجعو تانى ؟؟؟؟
يعملو ايه .؟؟ يرجعولنا خوفنا تانى ؟
كفايه بقى .. زهقنا ..
عشان كده لما شوفت اقفش فلول قولت لازم الناس كلها تعرفها
تطبيق سهل وبسيط و قاعده بيانات عريضه .. تقدر انت تملاها بالبيانات بتاعت الفلول اللى تعرفها
تعرف حد من الفلول فى منطقتك او فى محافظتك .. عارف ومتاكد انه لو مارس العمل السياسى هيفسده
وعارف ومتاكد انه مش داخل المجلس لمجرد انه يخدم الناس او يساعدهم فى اختيار التشريعات اللى تناسب مصالحهم هما
لا ده واحد انت متاكد انه بتاع مصلحته هو وبس !!
يبقى تدخل اسمه ..
محتاج قبل الانتتخابات تعرف مين الفلول اللى فى محافظتك
ادخل ودور على اسم محافظتك وافتحها واعرف مين الفلول اللى فيها بناء على تعاون ناس تانيه من المحافظه والمناطق اللى حواليك
وتقدر لو تعرف حد من الفلول اللى موجودين فى القائمه وتعرف عنه مقال مثلا يثبت الصفه دى عليه .. حطه فى تعليق
واعمل لايك لان كل ما الفل بياخد عدد تعليقات اكتر .. كل ما هيزيد تاكيد الناس لانه فعلا منتمى للفئه دى من الناس
بس لازم نراعى حاجه
راعى ربنا وانت بتسجل .. مش تكون متضايق من واحد تدخل وتسجل اسمه لان هيتم عمل تصويت عليهم .. و تاكيد من الناس اللى فى المنطقه دى اذا كانو ا دول فلول بجد او لا
وبدعوكم لدخول الصفحه.. ومشاركه مصر كلها بالفلول اللى تعرفوها ومش موجوده .. وتعليقاتكم على اللى موجودين
شاركوا بايجابيه .. عايزين نبنى بلدنا صح بقى
بدون اى بقايا ولا فلول
لو حقيقي بتحب مصر .. دلوقتي تقدر تبحث و تشارك معلوماتك عن فلول الحزب الوطني في كل شبر في مصر .. إدخل جرب .. إبحث .. تابع .. إقفش .. سَجِّلْ فلول الحزب الوطني و ساهم في حماية مصر من فسادهم تاني