جمال يوسف بعد شفائه من السرطان: «ربنا عايزني أقرّب منه» (فيديو)

كشف الفنان جمال يوسف، عن كواليس إصابته بالسرطان وشفائه منه، قائلا: «عملت المسح الذري ولقيت الورم اختفى .. محتاج متابعة ومحتاج أعرف آكل وأشرب بس».
وتحدث جمال يوسف عن مرضه خلال لقاء على الهواء مباشره مع برنامج «مساء dmc» مع الإعلامية إيمان الحصري، قائلا: «لقيت الغدد الليمفاوية ورمت ودم ورا ودني ومكانتش أعرف ليه خدي ورم من آخر الأنف لحد الغدد الليمفاوية جوة البلعوم.. أخدت 35 جلسة إشعاع كنت مع الأموات.. مكنتش عايز أقول لحد عشان أعرف أشتغل، وده كان خوفي إن حد يعرف إني تعبان مش هيرضى يشغلني، لكن لقيت كل الناس وقفت جنبي، تامر حمزة صديقي اللي نزل البوست بيدعي لي بالشفا.. ود.أشرف زكي، نقيب المهن التمثيلية، والفنان محمد صبحي».
وبكى جمال يوسف قائلا: «تعبت من العلاج ورغبت في التوقف عنه، لكن تراجعت بسبب ابني الذي قال له إنه انكسر بسبب مرضه».
وتابع: «فكرت إنني مرضت لإني محتاج أقرب من ربنا.. إحنا بنجري ورا الفلوس وبنقول باربي العيال، لكن ربنا كان عايزني أقرب منه».
وعن أبنائه وماطلبوه منه بعد تعافيه: «طلبوا إني أطلعهم مصيف.. وبنتي طلبت مني فيتامين وقالتلي عشان كنت بعيط عليك كتير.. أنا بس محتاج شوية وقت شهر كمان أقدر أقف على رجلي وشكلي يرجع زي زمان».
وتابع جمال يوسف مازحًا: «أنا كنت أصلع.. والكيماوي وقّع لي شعري.. بحاول أصبّر نفسي».
View this post on Instagram
الفنان جمال يوسف يبكي على الهواء ويحكي قصة مؤثرة عن ابنه جعلته يواصل العلاج بعدما وصل لليأس #مساء_dmc
A post shared by dmc TV (@dmctv.eg) on Oct 4, 2020 at 1:38pm PDT