«خاف من المصدي لو الزمن صنفره».. درس في التواضع من رجاء الجداوي (فيديو)

طوال مسيرتها الفنية، عُرفت الفنانة الراحلة رجاء الجداوي بأناقتها وشياكتها التي امتدحها الجميع بمن فيهم الرئيس عبدالفتاح السيسي.
في ديسمبر 2018، قال السيسي لرجاء الجداوي خلال فعاليات اليوم العالمي لذوي الاحتياجات الخاصة: «هتفضلي شيك جدًا طول عمرك».
رغم ذلك، حافظت رجاء الجداوي على تواضعها، وكانت تحفظ في ذاكرتها موقفًا تعرضت له في بداية مسيرتها، وكان بمثابة شوكة جاهزة لكسر غرورها.
قالت رجاء الجداوي في لقاء سابق مع برنامج «الستات ميعرفوش يكدبوا»: «كان في محل في شارع فؤاد عارض جزمة ب99 قرش، ومكنش معاها فلوس أشتريها».
أضافت الراحلة: «ربطت جزمتي على رجلي 3 شهور، وعملت نفسي تعبانة. الموقف ده يخلي عندي دايمًا فرملة للغرور، لما حد يقول لي: إيه الشياكة دي».
تابعت: «ده اللي بيخلي عندي رضا، اللي يدوق طعم الجوع يفضل دايما فاكره علشان يحس بالآخر، لكن لو نسي الناس بتقول (خافي من المصدي لو الزمن صنفره)».
ورحلت الفنانة القديرة عن عالمنا، فجر الأحد، عن عمر يناهز 86 سنة، بعد صراع مع فيروس كورونا المستجد دام 42 يومًا في مستشفي العزل بالإسماعيلية.