ريهام سعيد تتهم سما المصرى بالتورط في قضية «فتاة المول»

تصاعدت أزمة الإعلامية ريهام سعيد مع الفنانة الاستعراضية سما المصري بسبب القضية المعروفة إعلاميًا ب«فتاة المول» التي بدأت أحداثها منذ3 سنوات تقريبًا.
ووضعت «ريهام» في صفحتها الشخصية على موقع التواصل الاجتماعي «فيس بوك» صورة لتعليق سما المصرى على أحد متابعيها وكتبت عليها: «بقالي 4 سنين الناس ظالماني وعارفة إني لو قلت محدش هايصدق وانتي النهاردة جيتي نصفتيني، اعترفتي أدام كل الناس إن انتي اللي زقيتي عليه فتاة المول وعملتوا مقلب الصور عشان تاخدوا 2 مليون جنيه انتي مليون وهي مليون شقايا وتعبي أيوة دم قلبي ومش مسامحة فيه».
وتابعت ريهام في بيان لها: «فكرة إني قعدت تحت رجليكي محصلش، انتي إللى كنتي جاية هاتموتي على الفلوس وكله متصور متشكرة إن أخيرا الناس هاتعرف انتوا عملتوا فيّه إيه واتظلمت إزاي أنا عمري ما اذيت نملة، أخيرا مصر كلها هاتعرف الحقيقة، نصيحة اتقي الله عشان آخرتك وحشة أوي أوي».
واختتمت: «ذرهم يخوضوا ويلعبوا حتى يلاقوا يومهم الذي يوعدون» صدق الله العظيم، في كل صلاه هادعي عليكي وعليها. حسبي الله ونعم الوكيل من قلبي.
وكانت سما ردت على أحد تعليقات المتابعين لديها على موقع تبادل الصور «الانستجرام» واعترفت فيه بالحصول على أموال من «ريهام» من أجل إنهاء الموضوع.
img src='https://media3.almasryalyoum.com/News/Large/2019/01/13/883760_0.jpg'/ alt='' title='سما المصري'/ width='250' height='170'/سما المصري