إحدى أقارب «طبيبة المطرية»: «ماتت صعقًا بالكهرباء وتنازلنا علشان متتبهدليش وتتشرح»

نشرت الطبيبة شيماء جلال زميلة وقريبة الطبية سارة أبوبكر التي توفيت امس الأول داخل الحمام الخاص بسكن الطبيبات بمستشفى المطرية التعليمي، شهادتها حول واقعة الوفاة، والتي قالت فيها أنها ماتت صعقا بالكهرباء بسبب السخان، وان هناك آثار حرق بسيطه على جسد الطبيبة المتوفاة.
وذكرت الطبية شيماء جلال، التي عرفت نفسها بأنها ابنة خالة الطبية المتوفاة، على صفحتها الشخصية على «فيسبوك»، أنهم تنازلوا عن حقها «عشان متتبهدلش وتتشرح».
وتابعت: «ساره اختي وصحبتي وبنت خالتي الله يرحمك ويغفرلك ...اتنازلنا علشانك يا ساره علشان متتبهدليش وتتشرحي عشان ميبقاش موتي من إهمال المستشفي والسكن الزباله ونسيبك تتبهدلي بعد ما تموتي ف المستشفي القذره دي #للتوضيح ساره ماتت بصعق كهربي بسبب السخان البايظ في آثار حرق بسيطه لكن مش متفحمه ولا حاجه....مكنتش ع قوه المستشفي هي قضت فتره من الزماله فيها وبعدين راحت ع قوه مستشفي الجلاء وبتبات ف سكن طبيبات المطريه علشان مفيش سكن متاح لأطباء الزماله يعني بسبب المنظومة الفاشله راحت تبات هناك بشكل ودي بدل ما توفروا مسكن لطلبه العلم إنما تتشحطط وتدفع فلوس علشان تتعلم وف الاخر برده تموتها يعني اللي يطلب علم ف البلد دي يدفع فلوس ويتبهدل ف الشوارع يدور ع سكن ويتغرب بعيد عن اهله وكمان يموت وف الاخر اصلها مش ع قوه المستشفي».
وأردفت: «مش ع قوه المستشفي يبقي لما تموت من صعق كهربي نتيجه سخان بايظ قديم واطباء السكن كاتبين من شهر رمضان اللي فات انه بايظ يبقي مالناش دعوه اصلها مش ع قوه المستشفي ..و غيرها من طبيبات المطريه مش كان ممكن يموت مكانها ؟؟؟...لما هي مش ع قوه المستشفي ازاي سمحتولها تدخل وتبات بالشهور( مش زي ما قلته يوم باستضافه زميلتها ) يبقي أي حد يقدر يدخل المستشفي براحته ويموت مريض ولا يعمل مصيبه!!!! ... للاسف عذر أقبح من ذنب، # والله اتنازلنا علشانك يا ساره ..التقرير ووكيل النيابة عاين السكن وصمم انها شبهه جناءيه بس علشان متتبهدليش، والناس اللي بتقول وحقها ...حقها انها تدفن معززه مكرمه ..وصدقيني يا ساره حقك عمره ما هيضيع وحق كل مظلوم هيتاخد هيتاخد من الظالم ف الدنيا وف الاخره، #حقكوا كاطباء دافعوا عنه مدام عايشين إنما دي ماتت سبوها تموت بكرامه بدون تشريح ولا بيات ف التلاجات احنا اتنازلنا واستلمناها بعد 24 ساعه من وفاتها ف التلاجه ..مكنش ممكن حد يتحمل تقعد اكتر من كده ولا تتشرح # ادعولها بالرحمة والمغفرة # في امان الله يا ساره ???????????????? استودعناكي عند ربنا عروسه شهيده».
يذكر أن وزارة الصحة ذكرت في بيان لها منذ قليل، أن وفاة طبيبة المطرية «طبيعية»، وأن النيابة العامة أمرت بتسليم «الجثة» لذويها.