كان نفسى تُفرج

كان نفسى أقولك حاتُفرج بس أكون كداب.. أصل الفرج للكسالى كفر بالأسباب.. والحق يا هندسة مقفول عليه ميت باب.. لازم تخّبط.. تسقّف.. أو تكون بوّاب.. يا إما تدخل بكتفك فى البعيد تنهاب.. والله لو كان بيدّى أغيّر الأعتاب.. وأهرب وأفوت البلد إن شاالله أروح «بنجاب».. بس أعمل إيه عشقها زى الهوى غلاب.. والرشفة من سمّها أحلى من العنّاب.. الله يجازى السبب ويرجّع الألباب.. ويتوب علينا بقى من عشرة السنجاب.. مش برضه يا هندسة ربك كريم توّاب؟
خبير اقتصادى
medhat.nafei@egx.com.eg