أحمد شوبير لحسام حسن: رئيس الأهلي اسمه الكابتن محمود الخطيب (فيديو)

علق الإعلامي أحمد شوبير، على تصريحات حسام حسن، المدير الفني للمصري، والتي هاجم فيها جمهور الأهلي، وتحدث خلالها عن رئيس النادي محمود الخطيب قائلًا: «حسام حسن أكتر واحد أحرز أهداف للنادي الأهلي 111 هدف بالدوري، أقرب واحد ليا 101 الكابتن رئيس النادي حاليًا».
وقال «شوبير»: «الكابتن رئيس النادي ده اسمه محمود الخطيب، وللا الناس مش عارفه اسمه، مش عاوز اعمل مقارنات من أفضل».
وأضاف: «قول أنا أكتر واحد جبت أهداف وبعت على جمهور الأهلي، ودائما أنا بقول إن حسام وإبراهيم من أهم اللاعبين في تاريخ الأهلي والمنتخب الوطني، وحسام أكمل مشوار النجاح بقوة مع الزمالك، محدش يقدر ينكر ده».
وتابع: «حضرتك لو قولت الكابتن محمود الخطيب رئيس النادي يبقى شئ جميل، وانك بتعاتب جمهور النادي، لكن للأسف دي تراكمات تصريحات ومشاكل».