«موسم العيا» بدأ وأسعار الأدوية في «الطالع»: الوقاية أرخص من العلاج

«موسم العيا»، هكذا نَصِف الأشهر الأولى من فصل الشتاء، وبحلوله، بالتالى، يزداد الإقبال على المضادات الحيوية وخافضات الحرارة وأدوية نزلات البرد، وتجد داخل كل بيت مصرى ما يشبه الصيدلية المصغرة لجميع الأدوية التى يحتاجها هذا الموسم.
ارتفاع أسعار الأدوية بشكل عام، والمستوردة بشكل خاص، بالإضافة إلى نقص الكثير منها، ضاعَف مشكلات الأسرة المصرية، التى قرر معظمها أن تقضى هذا الموسم بمبدأ «الوقاية أرخص من العلاج»، كما اتجه البعض إلى البُعد عن الأدوية المستوردة، التى زادت أسعارها أكثر من 100%، واتجهوا إلى المنتج المحلى.
ويقول «محمود»، 28 عاماً: «للأسف نسبة انك تتعب فى الموسم ده كبيرة، ونوع العلاج اللى بيريحنى لما يجيلى برد وصل سعره ل95 جنيه، فبقيت أجيب نوع محلى العلبة فيه ب30 جنيه».
واشتكت «ندى»، أم لطفلين، من الزيادة «الجنونية» لأسعار الدواء، التى تتطلب ميزانية كبيرة لعلاجها هى وأولادها وزوجها، وتقول: «بخاخة الأطفال، اللى بتكون موسمية وضرورية فى وقت الشتا، وصلت لأكتر من 60 جنيه، بعدما كانت ب25 جنيه السنة اللى فاتت».
وأضافت «ندى» أن أسعار الدواء تزداد كل شهر بمعدل غريب وغير مفهوم، فالأطفال أكثر عرضة لنزلات البرد خلال الطقس المتقلب، خاصة مع بداية الفصل الدراسى، وتوضح: «روحت للدكتور، وجبت دوا ليا ولابنى أول إمبارح ب150 جنيه، كل ده عشان دور برد، وحتى لو اعتمدت على الأعشاب والمشروبات الساخنة دلوقتى كيلو الليمون بقى ب40 جنيه».
واضطرت «سارة» للجوء للوصفات الطبيعية لعلاج نزلات البرد، وتقول: «لو كل واحد منى أنا وجوزى وولادى التلاتة جاله دور برد واشترينا الأدوية والمضادات الحيوية بأسعارها دى هكون محتاجة ميزانية لوحدها كل شهر، الليمون والينسون أوفر كتير».
أما «أحمد»، 30 عاماً، فيرى أنه بالرغم من زيادة أسعار الأدوية، فإنه مضطر لشراء الغالى المستورد، موضحا: «تأثيره فعال أكتر ومضطر أجيبه».
ورأت الدكتورة «لمياء»، المسؤولة عن إحدى الصيدليات فى المعادى، أن نسبة غلاء أسعار أدوية البرد لم تكن بالكبيرة، وأن المنتج المحلى ذو كفاءة عالية، ويعطى نتيجة المستورد نفسها، وعن استبدال البعض الأدوية بالأعشاب الطبيعية، قالت: «الحاجات الطبيعية بتكون مكملة للعلاج، لكن لا يمكن تكون هى العنصر الوحيد»، فيما كان للدكتور «ميشيل»، صاحب إحدى صيدليات وسط البلد، رأى آخر، فقال إن الأعشاب كافية، وإن زيادة أسعار أدوية البرد يمكن حلها باستخدام العلاج بالأعشاب الطبيعية، لكن الأزمة تكمن فى الأمراض المستعصية، وأضاف: «علاج الأمراض دى بقى اللى فيه المشكلة الكبرى، ولازم يبقى بتأمين صحى، أدوية السرطان ولا الكلى وصل تمنها لخمسة وعشرة آلاف جنيه».