مرتضى منصور مهاجمًا «كوبر»: «دماغه فيها صراصير» (فيديو)

هاجم مرتضى منصور، رئيس نادي الزمالك، الأرجنتيني هيكتور كوبر، المدير الفني للمنتخب الوطني الأول، واصفًا إياه ب«الفاشل».
وقال رئيس الزمالك، في تعليقه على أداء المنتخب الوطني رغم الفوز على أوغندا بهدف نظيف أمس الثلاثاء، وذلك خلال مداخلة هاتفية على قناة العاصمة، إنه حزين بسبب أداء المنتخب خلال الفترة الأخيرة.
وأضاف: «قبل الماتش الأول أمام أوغندا، قولت أنا مش متفائل لأن هذا الرجل مش بتاع فتة، ده مخه كله فتة، النهاردة كان فيه محادثة مع وزير الشباب والرياضة وهاني أبوريدة، وقلت هنكسب 1-0، احنا كسبنا علشان مصر وعلشان الناس ماترجعش من الملعب مكسورين، وعشان يفرح الملايين اللي أمام الشاشات، إنما هذا الرجل فاشل وبيفكرني بإيناسيو، أنا بلعب أمام 70 ألف ومحتاج أكسب بأكثر من جول، علشان لو حصل تعادل في عدد النقاط مع غانا».
وتابع: «هذا الرجل فاشل وعنيد، عنده عمرو مرعي وأحمد جمعة وباسم مرسي، وبيعاند ومصمم، وده مع احترامي لعمرو جمال وصالح جمعة ووليد سليمان وحازم إمام وروقه فين، ده في دماغه صراصير».
وواصل رئيس الزمالك هجومه على المدير الفني: «شعب مصر ذواق للكرة وميهموش النتيجة بقدر ما يستمتع بأداء أولاده، خصوصًا إنك بتلعب مع أوغندا، وده منتخب مش مصنف، إحنا عندنا أحسن محترفين، لكن هو أعمى، ولو كان جول جه عشوائي من أوغندا كنا بقينا بره».