أمير مرتضى: «هقنع والدي ميردش على ميدو.. مصلحة النادي دلوقتي أهم»

قال أمير مرتضى، نجل رئيس الزمالك، إنه سيحاول إقناع والده بعدم الرد على أحمد حسام ميدو، المدير الفني السابق للقلعة البيضاء، بسبب حواره مع الإعلامي عمرو أديب أمس الاثنين، مضيفا: «وذلك لمصلحة النادي».
وقال «أمير» في حسابه على «فيس بوك»، اليوم الثلاثاء، تعليقا على حوار «ميدو» مع عمرو أديب: «رغم حزني الشديد واحتراماً لجماهير نادي الزمالك مش هرد على أي إساءة أو اتهام أو إهانة، وده مش ضعف، الحمد لله أقدر أرد في أي وقت».
وأضاف: «مصلحة النادي دلوقتي أهم من غضبي وحرقة دمي وحقي في الرد، ولكن هسكت علشان مصلحة النادي، وعلشان محدش يشمت أو يتريق علينا، وهبذل أقصى جهدي إني أقنع والدي إنه يسكت وميردش علشان خاطر الجمهور والفريق».
وأوضح «أمير» أن «الفريق محتاج تركيز، والمدير الفني محتاج دعم ومساعدة ومساندة، لأننا هنبدأ الدوري والكأس وأبطال أفريقيا».
واختتم: «أقسم بالله كلمة زملكاوي أحسن من أي منصب بالنسبة لي، واللي بيحب الكيان بجد يحط مصلحة الزمالك قبل مصلحته».