عكس الحقيقه أصبح حقيقه.. والحق الحقيقي أصبح محال.. غلط..عالم لبط..والألش فيهم داء.. والشعب ياما وياما داء..هوا.. النمل بقى بيطير.. وفيه عصافير..باتت بتزحف.. والقرد نازل نونوه..! والسبع يفطر بلح.. والفيل بيضرب جنزبيل وبأدونس كما المومس ركبت شبح.. عجبي على إبليس لما يحب يعدل مزاجه بسجاره بفرتها من الضماير والحشو بنت بضفاير..دخانها يكون حزن وعديد..وأنا سعيد.. وحسانين ومايكل وشاكر وصابر.. قملايه سوده ف شعر باط الشهيد بتأرّصه.لم يبالي ويستمر.. خرم إتّسع..في بق جزمة أمِته..يقلع أبوها ويمشي حافي و يستمر.. مطبات صناعيَه مخصوص للشّاحنات..إزاز مكسّر على الطريق..وده دم سال وإللا دموع وإللا عرق والدنيا حر..؟ سؤال في مخ المرتاحين...لا!..إحنا نعمل مؤتمر.. كفته وكباب وشيش طاووق ومكرفون..بيتهيّألي أعتقد وأنا معترض بس إنت حر.. وفي النهايه بنتِفق..نعي فمجله أو جرنال بشكل فاخر معتبر.. مات الشهيد..! والجنه مثوى ومستقر.. لمّا تلاقي حياتك كلّها رقعة شطرنج..عيش فيها.. أبيض أو إسود كانت عيشتك إضحك ليها.. ماهو أصل حركتك مش على كيفك.. وحتّى الدور إللي إنت بتلعبه مش في إديك.. خطّه محكمه أو غير محكمه.. حاسب..إحذر..إوعى وخلِي بالك كش..وإضحك.. إوعى تحلم في يوم..أو تفكّر..تفكّر..أو تعوز..أو تحب حتّى إنَك تكره..مش مطلوب منّك..غير بس إنّك..تضحك.. مرّه فكّر عسكري..ولمّا مافهمشي تعب..راح لدكتور الشّطرنج عشان يعالجه.. قال له يسيدي بقه..علاجك جلسة زغزغه.. تضحك وتبقي كده خفيت.. إضحك.. مدير عموم الصّح..رئيس مجلس إدارة المفروض..كنت أنا.. وحمدت ربنا المعبود وقتها على نعمة الجد و الجدعنه.. لكني لما الدنيا كلها أصبحت مراجيح..قدمت إستقلتي.. وعشت في الروشنه.. رووووشتّه....... سرّخ وسرسع و إيّك تغنِي بجد.. شيل الشخص المهم على دمّك حتّى ولو كان دمُه تقيل.. إلبس قناع السعاده وإضحك من غير كسوف.. خلِيك خاروف ولا حد داري بحد.. إلبس فقط فردة شراب..وتحت..عرِيها..! ولو حتعطس أو يجيلك فيها برد..حتِت حشيش تدفِيها.. وإشرب من النيل العظيم عشان تنسى كل إللي ضايقك أو نرفزك أو فكَرك بالفرض.. حتلاقي عيشتك سقَفتلك وسقسقتلك مارون جلاسيه.. وحتبقى نجم وحتطلع.. سلِم الدهب والمجد.. وسط التلوث والتراب.. والعتمه والليل والضباب.. شايفك يامصر..مش لابسه غير جزمه وشراب.. أجري عليكي أسترك..لأ..قال النظام.!. أكسيكي حتى بهدمتي وهمتي..لأ..قال النظام..وإللا ياحلو..تكسير عظام..! أشرب سجاير..هايل! خمره وحشيش..ضحك النظام وإنبسط..وأنا..إختفيت.. وسط التلوث والتراب..والعتمه والليل والضباب.. عرفت في الدنيا نوعين من الإنسان.. الأولاني شقي..والتاني شق..يان.. عيِل صغبر سألني: إزاي تفرّق بينهم؟ أنا قلت: من ريحتهم..! ضحك.. قلت: أيوه..! ما الأولاني الشّقي..سرق حقوق أخوه الشّقيان.. ولما عيشته إرتاحت..بقى بينام..على ريش نعام..ويتكلين..ببرفان.. أما الحمار التاني فريحة أمه عرق..ولما تسأله على إللي منُه إنسرق..يحمد ربنا على نعمة النسيان..! أنا تهت بين الكلام والمعاني بنت الحرام..! هوّه القانون كتب..في علم الإحترام..؟ وإللا القانون دقِة وتر أخرس على المقام؟!..نهاوند كان وإللا حجاز..مش مهم.. المهم إنه يهز الوسط والسلام..؟! الصبح..في الحاج..والحاجّه..في الشارع في الحاره.. في الناس الحلوه الحقيقيِين..وسط الغيط..بمعنى مباشر هوّه البيت..! بالليل..سهرات وكافيهات وتكييف ومزيكا..بانيه..لاتيه..شوكولاه جلاسيه..لغات..إتيكيت..! إنفصام في الشخصيّه..حادث أليم في النفسيّه..مصرع وإصابت..وأهي صابت ماخابتش.. ألام حادّه في فتحة الشرج...الأللوط..خرج..! بعد إمساك شديد جدّا.. فقدان للذاكره..أنا مين..؟ أنا فين..؟ أنا إيه أصلا..؟ مش مهم..طز..أحسن..! المهم المنظر..التسريحه..الريحه..العطور الساحره..تدخّن..؟ ولّع وإيّاكش تولع وتقوم حريقه..في الحاج..والحاجه..والشارع والحاره..والناس الحلوه الحقيقيِين وسط الغيط.. والبيت يقع. كوكوكوكو بطعم الشطه لحل الخلافات الزوجيه.. كوكوكوكو بطعم الشطه للعن أبو الصهيونيه.. كوكوكوكو بطعم الشطه لمنع الظلم.. كوكوكوكو بطعم الشطه سريع الهضم.. كوكوكوكو بطعم الشطه ماهوَاش فاكس.. كوكوكوكو بطعم الشطه ده متعلِم وإبن مدارس.. حيخلي التكتك مرسيدس ويخلي حمار الرياضيات..إقليدس.. كوكوكوكو بطعم الشطه في منُه لبوس.. كوكوكوكو بطعم الشطه في منُه حقن ومراهم.. كوكوكوكو بطعم الشطه في منُه خازوق..وفاروق.. ملك. والشعب يموت..أو يركب لأمه رمبلك..فاهم؟! كوكوكوكو بطعم الشطه لفض العكوسات الجنسيه قادر على منع القذف..والقصف..والحظر..والفقر.. كوكوكوكو بطعم الشطه طويل.. متخصص تأجيل.. لا توجد ساعة صفر. كوكوكوكو بطعم الشطه عدو الفتونه.. حيفضِي المحور ليَا أنا..! كوكوكوكو بطعم الشطه ماهوَاش خالي من الكحل.. كوكوكوكو بطعم الشطه ده حلم الكل وزي الفل.. ولَع..!. ... عيني عليك يا شاطر حسن.. لما دب العجز فيك والشاب إندفن.. عيني عليك, لما كل حاجه مفرحة صبحت زمان وقفت؟! عطلت؟! إتكسرت آلة الزمن؟! يلعن أبوك!! بحبك! ما أنا في الحقيقة أمك! وخالتك أبوك وعمك و جدك و جدتك و حتتك و شارعك و انطق كلام! أصرخ! إجري وأشرخ! بلا هروب..ولا حروب سالم..وسلم على اللئيم...علم ناقش وجادل حتى الصباح ما تهزش دماغك بالإتفاق..إلا أما تفهم فكر! ووقت الفجر..كبر..وإوعى تكفر سفر؟! دراهم؟! مراهم..مسكنات! عندك ظروف؟ .إغرف فلوس معاك جاروف؟ طاب والعيال؟! جالهم سعال؟ من العوادم و التلوث والزحام؟ و الضرب في الميت حرام؟.. ماهو من عباطتك أقف..وحاسب و إعترض.. رتب و نظم من غير زعيق.. دور حوار.. أو عيش حمار من غير نهيق.. ترس في مكن بلا ثمن..وأنا أوعدك..أحزن عليك وأقولها دايما عيني عليك يا شاطر حسن سايس مسايس والمسايسه سوس بينخر ف عضم الجمجمه.. طول عمري صابر لحد ما إنخرس الكلام وما عدش في صوتي غير شوية همهمه.. والهم زاد ويّا إنحناء الضهر وألام المفاصل والركب.. لو بس يقبض روحي عذرائيل..بدِيها بالشُوت..برفعها فوق في السما..!! لعِيب..لكنِي كل ما لاقي نفسي قصاد الجون بأ لش.. متشائم علطول..حزين غالبا..والقهوه بحب أشربها ساده بوش.. حاولت كتير إنِي أحط في الدنيا هدف واد صحيح.. فشلت لإني للأسف..لا بعرف أكدب ولا أغش.. إخبط دماغك في الحيط أو إشرب من البحر..! ما القاهره من القهر..ومصر من المصمره والدّقدقه والدّق..! والدّق عالطبله..عالطبله كلُه يرقص..عالطبله كلُه يرقص..مضطر..! قانون اللعبه كده..حكومه تقرص وشعب يرقص.. وكوره حجر على أرض أسفلت مولّع في عز الفقر.. والجزمه في الدماغ..والرجل حافيه..ونسوان عرايا وواخدينها عافيه.. وسفاله قلة أدب وشر.. أنا بحبك يامصر..! دَخلت يوم أنا فيلم سيما..في الأصل قِصة شَعب مصر.. لولا الملامه أنا كنت أقُوم!.. لكِن مَعزُوم..وبرَه حَر..! كانت الرٍساله طبِل تسُد..سَقَف تِعيش فرعون..أَسَد.. طاب ما الحكايه يامُخرجين أخرِتها مُوت.. وحيِبقَى رُوح من غير جَسَد..! أينَ المَفَر..؟!! ............................... ..................................................................... كُلُه عَند العَرب فُنون.. عُطور؟..مَعاك! مِيك أَب؟.. مُوَافِق! بَس العَفَن جُوَه !! مَس..تِحَمِتش..!! وَزَع صابون..لحَن رَغاوي مَثِل كاوِتش.. رُوح بالعَجَل.. زَوِد فِ بَنزين الهَبَل .. وإفطَر عَشا وإتغدَا بِيض..كرتُونه وِش.. أَستِك ُمرادِف الإحساس..وناس بِتُرزَق في السرير واحد ضرير يِبقى حكم..يبقى الشَريف حِتِت حُمار.. أما الحُمار..فبيِبقى نِجم وهات يا غِش..! يِنفَع كِده؟!!! أنا ما أعتَقِدش!! ....................................................................................................... شِكشِك مرزُوجَه تَعالي جَنبِي..ده أنا جَنبِي بَراح.. عَرَج الرِجَاله صَبَح تِرتِر مَبَجاش فَلاح.. والطِين إتبَدِل شَكَاليتَه وشَغَال النِت يخُش يشوف البِت المَلط وتِفتَحله ومِن غير مُفتاح.. وأَتَاري الوَله مِن جُوَاه بِت..والسِت..هي إللي عَتُحكُم جُوَه الدَار.. وحَ جولها وبِزيَاده سياح.. شِكشِك مرزُوجَه تَعالي جَنبي ده أنا نِفسِي أرتَاح.. حاكم المحاكم حكم على الشنبات بالرقص عالواحده قام حط عالدوم دوم..وإتّك عالتّك و حط عليها ميت واحده حاكم المحاكم كانت في الأصل ياعالم.. خمّاره وإللا كافيتيريا.. صاحباتها كانوا مش عارف.. حبة عوالم.. وإللا كانت واحده.. حاكم المحاكم ده هوّه كمان.. مايحكمشي.. والنيل ماجاشي.. طاب نعمل إيه؟! يطبل ونرقصله؟!..فشر!..عند أم للٌو! حلقنا شناباتنا وقعدنا في الكافيهات نضرب كابوتشينو.. ونقول يارب.. نوصل كاس العالم لو مره واحده.. الأحد.. محاولات كثيرة لإعطائي..خذ..لا!..خذ..لا!..خذ..لأ!..أنا بَدِي بس!..لأي شخص أًيًا كان حشرجات..تلعثُم في الكلام..رموز حجج إسقاط كسفه!.. وفي الأخر..لبسوا طرح كما النسوان! لو عَلِمُوا مُنذُ البدايةِ أنَ الخط المستقيم أقصر طريق..يوصَلهم كلُهم.. لأي حته ف أي مكان؟! ... الإثنين.. لعبت مع الكبار..أداء سريع..مراوغات.. مافيش فاولات مافيش حكم.. مافيش غير حربه برأس ورقص وجون..!! وأنا..مجنون..وتخين وبكرش.. ومابرقصش.. جز الكبير على سنانه زعقت: مابنرقصش..! أسوأ حاجه.. إن الحلم يكون هوه الواقع..والإتنين جوه كابوس.. ماهو قالها لي وبالمحسوس.. ترقص..عيشتك فل.. أو تقعد جنب مراتك من غير شغل.. حصل بالفعل..! الثلاثاء.. بأرقص..! الأربعاء.. بأرقص أكتر..! الخميس.. إحترفت الرقص.. بطلت مواتير الدماغ.. بطلت أفكر إني أفكر.. الجمعه.. مت والجنازه السبت القِرش فَتفِت في ذِمِة الإنسان..فَرَض شُروطُه وإتَلِت.. فَيرَس غَبَاوَه حَضَر..ضَرَب دِمَاغنَا طاح..شَلِت.. وكِترِت الحَوَادِيت عَن البَهَوات والصَرف عالشَرا..(تِيت) وقَسَمنَا نَفسِنا نُصِين..غَنِي وعَبِيط.. عَيَان قَوي..رَاكِب عَلَى مَيِت.. شلاليت..روصيات..وقلام على الخدين وإنتا ياحلو مش داري.. أستيكه تمسح الغلبان.. تصبح تلاقيك بتسبح في ال..مجاري.. تقوم تدوَر على هدومك وماتلاقيهاش تمشي على الأشواك دمك يسيل توصل لحد مول..تجاري.. ملاهي سينيمات مطاعم محلات..ملابس بأسعار معدِيه.. والتاني في العتبه وعالرصيف..أرخص كتير تكبس عليه البلديه.. جري وإختفى..راح تعمل إيه؟!! تضطر تاخد بالقفا.. شلاليت..روصيات..وقلام على الخدين..وإنت يا حلو مش داري.. يا أساتذة..يا بهوات..يا بتوع الإنترنت! صوت الزِعيق وضرب النار فزَعوا البنت..! وأنا مَلِيت..وبقولها فعلا كفاية..! جالي شيزوفرينيا وتاه إختياري هل مع أو ضد.. تسمع المصرية قلبك يليِن.. تسمع العربية وإللا الجزيرة عقلك يشِت..! مع إنه نفس الحمار بنفس النهيق والبردعه.. نهَق هنا جا عندنا زرجن ورفص النعمة وسد مناخيره وقال قرفت.. 30 سنة مستحملك غيَر بقه طاب وإنت مال أهلك؟ هوه إنت مصري بجد..؟! والتاني عيَط..إخوانجي زغرَط..قامت حريقة قلع الإيزار لبس الكلوت..! الهدم من أجل البناء..بَعديها نبقى نِعَبيها ف زكايب ونبيعها لوط..! وأنا كل اللي هامِمني..إشتقت للشيشة..ولسهرة حلوة مع الصحاب..نرغي ونضحك وزي زمان.. بَلا بَلا على بهدله على حبسة جُوه البيت..! شغَل ياعم الست.. يا شَعب متشعِب ومتفرِع كما بيت العَن..كَبوت من أوِل أبوسِبحه ودَقن لِحَد اللي لامؤاخذه من قَوم لوط من أوِل المتدينة ولحَد اللي (تيت) و( تَرابا التُوت) فجأه إتحدتوا كُلكُوا على كِلمةِ إرحَل..؟! رَئِيس الدَوله يا غَجَر؟! يقول حَغيَر تقولوا غور؟! يقول حصلَح تقولوا روَح؟!..واللا سافر واللا موت..؟! هوه الوحيد اللي كُخه وإنتوا كُلكُوا دَحَه ياخي (...) !! بأقولها ليكوا كُلكُوا و بأعلى صوت !
