أحمد الشيخ يتحدث عما قاله بيسيرو وأبوتريكة ومشكلة شريف حازم وتعليق السيد حمدي و«إنستجرام» (حوار)

تحدث لاعب النادي الأهلي، أحمد الشيخ، عن عديد من الموضوعات، في حوار مع الصحفيين في ملعب مختار التتش بالنادي، ونقله الموقع الرسمي للنادي بالفيديو.
وكشف «الشيخ»، ما قاله المدرب البرتغالي، جوزيه بيسيرو، له، وكذلك ما قاله له أيقونة الكرة المصرية محمد أبوتريكة، وسبب مشكلته مع شريف حازم، ورأيه فيما قاله زميله السابق في مصر المقاصة، لاعب الأهلي السابق، السيد حمدي، عندما شبهه بوليد سليمان.
وكانت أبرز تصريحات «الشيخ» كالتالي:
«لا أفكر في الإعارة (لمدة 6 شهور)، لسه بدري، أنا مش قلقان»
«بيسيرو بيقولي إني بتمرن كويس، وإني مقلقش، وإنه غصب عنه مركز مع اللعيبة الأساسية الفترة اللي فاتت»
«ما حدث كان نرفزة ملعب مع شريف حازم، وهو أخويا الكبير والموضوع انتهى»
وعن تشبيه السيد حمدي له بوليد سليمان: «كلهم كباتن كبار شرف إني أتدرب معاهم، التشبيه جاي إني زي كابتن وليد بحب ألعب ناحية اليمين بالرجل الشمال»
«أبوتريكة قاللي إن شاء الله هتلعب والجاي ليك»
وعن ظاهرة استخدام اللاعبين لمواقع التواصل الإجتماعي، خصوصًا «إنستجرام»: «دي الحياة الخاصة للاعب.. والموضوع طبيعي في العالم، بس الجمهور بيحب اللاعبين مركزين وده حق النادي عليا، لازم نراعي شعور الناس والجماهير»