فيديو.. أديب: «لو فيريرا مشي الزمالك مش هيبقى ليه قومة.. واللي عمله رمضان مهارة»

علق عمرو أديب على رحيل المدير الفني لنادي الزمالك، فيريرا، عن النادي، قائلاً: «اللي مضايقين أن يطلع رئيس النادي يقول إن فيريرا لازم يمشي ده لعب 33 مباراة خسر 4 كسب 23 مباراة وتعادل في 6 وواخد دوري وكأس هو مين يعمل احسن من كده».
وأضاف أديب في برنامجه على قناة «اليوم»، مساء السبت، «رايح يجيب محمد صلاح يبقى هو المسؤول عن الكرة عنده طب محمد صلاح كان موجود من الأول جايبه ليه الراجل ده أحسن مدرب واحسن حد فهم اللاعيبة جه في مرة عمل تشكيل غلط وإيه يعني مورينيو بيجرى معاه كده يعني لو كنت كسبت البلنتي ده مكنتش مشيته كنت عملتله تمثال دهب».
وتابع: «لو فيريرا مشي الزمالك ده ملوش قومة تاني ومفيش أي مدرب هيحب يجي يدرب نادي الزمالك مبنسمعش بره عن أن رئيس مجلس الإدارة بيتدخل في شغل المدرب وأنا لو من الأهلي مكنتش مضيت مع بيسايرو النهاردة وكنت خدت فيريرا الأهلي».
وعلق أديب على فوز الأهلي في مباراة السوبر، قائلا: «أوجه التحية للمحترم عبدالعزيز عبدالشافي، راجل جاي يكسب ماتش تاريخي ويمشي، إنكار الذات يا جماعة، واحد رايح يدرب ماتش ويمشي عشق للفانلة الحمراء، زيزو ده كان أحرف من الخطيب، كان أحرف من رمضان صبحي»، مشيرا إلى أن «وقوف رمضان صبحي على الكورة واللي عمله ده مهارة، وفي نفس الوقت استفزاز».