أهالي «المهاجرين 2» يتظاهرون ب«الجراكن» أمام مبنى محافظة الدقهلية لانقطاع المياه منذ 15 يومًا

تجمهر العشرات من أهالي قرية «المهاجرين 2»، والتابعة للإسكندرية الجديدة بمركز الجمالية، بالدقهلية، الثلاثاء، أمام مدخل «6» بمبنى المحافظة، حاملين «جراكن» المياه الفارغة، احتجاجًا على انقطاع مياه الشرب عن قريتهم منذ أكثر من 15 يومًا.
وأجهشت السيدات والأطفال، بالبكاء، أمام مبنى المحافظة، مطالبين المحافظ بملئ «الجراكن» التي يحملنها ليتمكن من الشرب وسقاية أبنائهن.
وقال وحيد الظريف محمد، أحد أهالي قرية «المهاجرين 2»، «إن القرية بها 3000 نسمة، ومفيش مسؤول واحد حاسس بوجودنا وكنا بنحصل على مياه الشرب من محطة مياه ميت سلسيل، وفوجئنا بانقطاعها عن القرية بالكامل منذ 15 يوم، واشتكينا لطوب الارض لكن للأسف محدش سمع صوتنا واضطرينا نستخدم مياه الصرف الوراعى من مصرف عنبر اللى بيمر من القرية».
واتهم محمد حسانين، أحد الأهالي، مسؤولي محطة مياه شرب ميت سلسيل بتحويل المياه لمزارع الدواجن والمواشي المنتشرة في المنطقة، وقطعها في الوقت نفسه عن الفلاحين الغلابة، على تعبيره، وقال: «روحنا المحطة وواجهنا المسؤولين بها بقطع المياه عن القرى لصالح أصحاب المزارع فقالوا لنا مافيش مية لو مش عاجبكم روحوا اشتكوا للمحافظ وخلوه يجيب لكم مية أو اخبطوا راسكم في الحيطة إحنا هنجيب لكم منين».
وبكت فوزية خليل مسعد، من الأهالي وهى تقول: «والله العيال جالها جفاف بسبب نقص مياه الشرب والعيال هتموت بين إيدينا ومش عارفين نعمل لهم إيه ومفيش مسؤول عايز يسمعنا، وغذ كان المحافظ عنده ميه في مكتبه فإحنا أولى بيها، وياريت يعبي لنا الجراكن اللي معانا علشان نشرب ونسقي عيالنا قبل ما يموتوا من العطش، والله إحنا لو قادرين نشترى مية معدنية كنا جبنا لهم وأنقذنا حياتهم لكن العين بصيرة والإيد قصيرة».
وطالب الأهالي بتدخل حسام الدين إمام، محافظ الدقهلية، لتوفير مياه الشرب لهم، وإقالة مسؤولي محطة مياه ميت سلسيل، لتحويلهم المياه لمزارع الدواجن، مهددين بالاعتصام أمام مبنى المحافظة لحين حل مشكلتهم وتوفير مياه شرب للقرية.