اتفرج يا سلام

لخبطيتا
طبال ديسكو امريكاني ... جاي يسرق ناس بتعاني ...... اصلو مش اصيل ده براني .... والي جابو صاحب العزبه الاولاني .. ابن حاكمها اه ياني ... فكرها تورته وهو الحلاوني ..... وال حاطت واحد تاني ... يطلع ملايين من الاغاني .. ومتعملتش اصلا يا فرجاني .. ومتؤلش اصلها اتعملت عمياني .......... احكي احكي يا عناني .... اسمع بقى الي عياني .... مسؤل كان المفروض حماني .. طلع شراني ... ابل ميسبها خربها في ثواني ... الهم فضو السجون وانا سادد وداني .. مثال للشرف بكل المعاني ... حاجه تفقع السوداني
وادي مسؤل في السياحه ... عجبتو ارض ومساحه .. بعها عشان يركب تمساحه ... عشان العظمه تكون مرتاحه ... اصلو بيشقى بصراحه ينهار تناحه
اتفرج كمان ... على برنس الاسكان ... شباب نفسو في اؤضه حتى لو الحمام عند الجران ......... باع المتر ارخص من ربع بتنجان ... بس الحق لواحد غلبان ... معهوش يا عيني غير مليارات وحالو تعبان ... الي اتهموة بالقتل يا سرحان ... عرفتو ولا حتعمل من السودان .... ينهار جنان
التجاره شطاره .... بيكلموه بعد الشراره ... والثورة الجباره .... يؤلهم بكل حراره ... انا لسه نازل من الطياره ... اصل محدش قالي عيزينك في عباره ... انا يا جماعه للشرف مناره ... يا فقعه المراره
وابن مسؤل او اريبو .... يكلملو واحد حبيبو ... يشلو ابن الشعب ومكانو يجيبو ..... وسعات يخاف المدام تسيبو ... ينام على السلم والناس تعيبو ... فيعين اربها ميمي وبيبو .... ينهار عجيبو
ونلاقي واحد في المطار جاي .... عايز يبقى الريس طب ازاي ..... وعمل فيها على الناس اميرالاي ... وفي الاخر الولو باي باي ....... ينهار بردعي
ويطلع شاب امور .... كان اعد ورا شاشه كومبيوتر ومستور ... ولا حد يعرفو ومغمور .... يؤلو ده البطل المنصور .. وقائد الثوره الجسور ... اتريهم خبوة ورا السور ... لحد ما تهدى الامور ... عيزين يخلوة ريس الطرطور ... لا يا واد شطور .......... ينهار فرفور
العيب في مين .... فيا ولا في دنيا سلطه وعجين .... موظف بملاليم ..تلاقيه صاحب املاك وطين
وواحد للبنك مدين ..وفلوسو بالملايين .......... وحال يتغير من الشمال لليمين
شغل ووظايف وتعيين .. كانت مخفيه من سنين ...... شقق وتسكين .. واعدنا من السنين تلاتين .. في الشارع نيمين
مرتبات بتزيد بالميه وخمسين .. بعد ما كنا للكوته طفحين ..... ينهار عجين
سمك لبن تمر هندي ....... لا ده مش عربي ولا لوندي ...... ومش ده كل الي عندي ...... يلا اهي ايام وتعدي .. والمركب الي تودي ......... ومعلش ازعجتك يا ولدي