صباحي: «عاوز أكون ضهر الغلابة.. والشعب يشيل جبال بس ياخد فرصته»

قال المرشح الرئاسي، حمدين صباحي، إنه يريد أن يكون ظهرًا «للغلابة»، معتبرًا أن مفتاح الرئيس مع شعبه أن يكون «قلبه على ناسه.. الشعب المصري قادر يشيل الجبال بس ياخد فرصته ويطبطب عليه».
وأضاف «صباحي»، خلال لقائه مع الإعلاميين يسري فودة وجابر القرموطي والكاتب الصحفي جمال فهمي، مساء الخميس على فضائية «أون تي في»: «أنا عاوز أكون ضهر الناس الغلابة اللى بيجيبوا امتياز والصنايعية اللى بتنتج.. مفتاح الرئيس يكون قلبه على ناسه.. الشعب يشيل جبال بس ياخد فرصته ويطبطب عليه.. احترم شعبك وافتح باب لشعبك ياخد حقه وفرصته، خليك حاسم وقاطع ضد الفساد المصريين كلهم هينتصروا لك».
واعتبر أن «البلد مقسمة على كام شهبندر تجار لحساب الكبير»، مُشيرًا إلى أن حجم الفساد في مصر يقدر ب 326 مليار جنيه سنويًا، وأكد أنه في مواجهته له سيخوض حربًا لا هوادة فيها ولا تصالح فيها، لإصلاح مصر.
وقال: «فيه رئيس جمهورية نضيف مش هيقعد جنبه واحد حرامي، فيه رئيس جمهورية عنده رؤية لإقامة تشريعات لمواجهة الفساد، الفاسدون في أجهزة الدولة أقلية»، لافتا إلى أن الشباب المصري محبط لأن «مفيش تكافؤ فرص وبسبب الواسطة، يموت من التعب مياخدش فرصته في تنمية بلده.. عندنا كوادر كفؤة قادرة على إدارة المشاريع بدون فساد، والمبلغين عن الفساد في شركاتهم هنحميهم».
ولفت إلى أنه سيعمل على إنهاء معاناة العمالة المؤقتة وتثبيتهم في وظائف تفيد المجتمع، ومن ناحية أخرى أكد أنه سيحافظ على دعم الفقراء ورفع مقداره، لكنه سيلغي الدعم للأغنياء، و«ستكون حربًا سننتصر فيها بإذن الله، الفساد بحكم تعريفه هو استفادة العدد الأقل على حساب العدد الأكبر».