سخر الإعلامي باسم يوسف، مقدم برنامج «البرنامج» على قناة «أم بي سي مصر»، من ترشح مرتضى منصور، رئيس نادي الزمالك، لرئاسة الجمهورية. ووصف «يوسف»، في برنامجه، مرتضى ب«المرشح الخلوق، كما أنه رجل دبلوماسي يستطيع الحديث عن مصر وأخلاقها». وقدم «يوسف» إعلانا جديدا لمرتضى تمنى أن يقبله منه، قائلًا: «فلو عجبه هذا الإعلان سأهديه له على سي دي، كما أن مرتضى لم يعد عصبيا كما كان في السابق». وتهكم «يوسف» على «منصور» قائلًا: «الإخلاق مرتضى، والأدب مرتضى، يا رب سامحني على الكدب ده». وعرض يوسف، خلال تقديمه برنامج «البرنامج » مقطع فيديو لمرتضى، وهو يقول: «إن البلد بقت في منحدر أخلاقي»، وقال باسم «يعنى البلد بقت منحدرة الأخلاق وأنت جاي تكمل علينا». وتابع: «أقولك بعد الحلقة حضر شنطة هدومك واطلع على مدينة الإنتاج، وقولهم إن اسمك مرتضى منصور، وعايز تشتم باسم يوسف، هيدخلوك عادى هما بيحبوا الحاجات دى وأعمل حسابك على بيات، وأطلع فى برامج ومداخلات، وسمع الشتائم اللي أنت متعود عليها من أيام الثمانينات، أنا عارف إن الكلام دا هيزعلك، وهيخليك تلف حولين نفسك لحد لما نفتكرك السنة اللى جاية، وإحنا مش هنرد عليك، انطلق يا مرتضى هنسيبك مع نفسك علشان دا تمامك».