نشطاء يدشنون هاشتاج «#ليه_هنتخب_مرتضى»: «علشان أخلاقة عالية»

احتفى النشطاء على «تويتر» بإعلان المستشار مرتضى منصور، ترشحه لرئاسة الجمهورية، على طريقتهم الخاصة بتدشين هاشتاج باسم «#ليه_هنتخب_مرتضى»، وحملت الأسباب التي تناولها النشطاء لانتخاب «منصور» الكثير من السخرية ، فيما اعتبر البعض أنه الأنسب للمنصب.
فقال حسام حسني: «هنتخب مرتضى بدل ما يطلعلي السي دي بتاع اختي، واكتشف ان اختي متجوزة عرفي، وعندها عيال مع أن أنا ماعنديش إخوات بنات أساساً»، ولم يغب عن محمد شحاته رئاسة «منصور» لنادي الزمالك، فاعتبر أن سبب انتخابه ليكون «رئيس كل أندية مصر، وعلشان الزمالك يكسب الدوري».
فيما قالت إيمان عبدالرازق : «علشان أخلاقه عالية والعيب ميطلعش منه .. و خجله طاغي ع شخصيته».
#ليه_هنتخب_مرتضى اخلاقه عالية والعيب ميطلعش منه .. و خجله طاغى ع شخصيته ♥
— Eman abd el razek (@emy_abdo) April 11, 2014
وأشار «إرهابي ملثم» أنه سينتخبه «بصراحة لأنه أرشيف مصر الحديث، مؤرخ يواكب العصر، وداعاً زمن الجبرتى وجمال حمدان نحن نحيا عصر أبو لسان سيديهاتي أحسن من حاتي»
#ليه_هنتخب_مرتضى بصراحة لأنه أرشيف مصر الحديث، مؤرخ يواكب العصر، وداعاً زمن الجبرتى وجمال حمدان نحن نحيا عصر أبو لسان سيديهاتى أحسن من حاتى
— #إرهَابِى_مُُلثّم (@MahmoudShafiey) April 11, 2014
واعتبرت «مصرية أوي» أنها ستنتخبه «علشان عايزه حد يوصلنا للحضيض بسرعه علشان جايز وقتها نفوق بقه، ونعرف غلطنا، وهو اسرع واحد حايوصلنا للحضيض»، وتساءل سيد حفني بقوله «ليه هتنتخب مرتضى منصور لما ممكن انتخب سما المصري؟»، وتهكم «سيستم أيرور» على ترشح مرتضى، قائلًا سأرشحه لأنه «الأمل الوحيد في الحفاظ على أخلاق الشباب».
#ليه_هنتخب_مرتضى .. لأنه الامل الوحيد في الحفاظ علي اخلاق الشباب
— System Error (@SystemErr0r_) April 11, 2014
وأوضح «أحمد القنجه» أن «مرتضى هو الوحيد اللي كل واحد في مصر تلاقي له سي دي عنده، يعني بعد كده لو عايز تقدم في شغلانه بدل ما تقدم ب سي في تقدم ب سي دي»، واعتبر محمود أفندي أن انتخابه سيجعله «وجبة ساخرة» للإعلامي باسم يوسف، قائلًا: «علشان باسم يوسف يلاقي حد يشتغل عليه، الراجل حاله واقف خليه ياكل عيش».
"@MoDyMashaKel2: #ليه_هنتخب_مرتضى علشان باسم يوسف يلاقي حد يشتغل عليه ، الراجل حاله واقف :D"
— aحmed karam (@ahmedkaram83) April 11, 2014
وتابع محمد صبري: «هنتخبه راجل متقدم وبطل مستندات من زمان ومواكب التطور وشغال بالسيديهات، زي ما دمر الزمالك في سنتين يقدر يدمر مصر في شهرين»، وأشاد حسن سيد بقدرته على كسب القضايا من خصومه، وأنه له قدرة على فهم القانون.
#ليه_هنتخب_مرتضى لانه راجل متقدم وبطل مستندات من زمان ومواكب التطور وشغال بالسيديهات !! بلد سيديهات صحيح...D:
— Ahmed Sabry (@A7medSabry01) April 11, 2014